აშშ გერმანიაში განლაგებული ბირთვული იარაღის მოდერნიზებას გეგმავს, იუწყება Der Spiegel. აღნიშნულს შესახებ გამოცემა უახლოეს პერიოდში ვრცელ მასალას გამოაქვეყნებს.
აშშ 2020 წლისთვის გეგმავს B61-12 ტიპის ატომური ბომბის სერიულ წარმოებას. მათი განლაბევა ასევე, ნავარაუდევია, გერმანიაში ბიუხელის სამხედრო ბაზაზე (რეინლანდ-პფალცი).
ამჟამად, ბიუხელის სამხედრო ბაზაზე, სავარაუდოდ 10-დან 20-მდე ბირთვული ბომბია განლაგებული, რომლითაც, შესაძლოა, გერმანული Tornado-ს ტიპის თვითმფრინავების აღჭურვა.
2010 წელს ბუდესტაგმა მოითხოვა მოლაპარაკებები აშშ-ის ხელისუფლებასთან გერმანიის ტერიტორიიდან ბირთვული იარაღის გატანის თაობაზე. თუმცა, გერმანიის მთავრობამ მაშინ განაცხადა, რომ არ აპირებდა ცალმხრივი ნაბიჯების გადადგმას ნატოში ქვეყნის მოკავშირეებთან კონსულტაციების გარეშე. აღნიშნულის შემდეგ ეს თემა აქტუალური არ გამხდარა.
