ნაციონალური მოძრაობის მაჟორიტარობის კანდიდატი ქალაქ გორში ალექსანდრე გოგლიძე კანდიდატურის მოხსნას არ აპირებს.
ამის შესახებ დღეს გამართულ საგანგებო ბრიფინზე პარტიის რეგიონალური ორგანიზაციის ლიდერმა ბადრი ბასიშვილმა განაცხადა.
მისი თქმით, თავზეც რომ გადაიმტვრიოს ალექსანდრე გოგლიძის ძმამ ივანე გოგლიძემ შუშები, პარტია პოზიციის შეცვლას არ აპირებს.
ბადრი ბასიშვილმა უწყებათშორის კომისიას მიმართა და საწარმო "კულას" ხელმძღვანელის, ივანე გოგლიძის მიმართ "შესაბამისი ზომების" მიღებისკენ მოუწოდა.
"როგორც გოგლიძემ აღნიშნა, თავად შემოიჭრა ოფისში და ჩაამსხვრია მინებები. თუმცა, მინდა მივმართო ივანე გოგლიძეს - თავზეც რომ გადაიმტვრიოს მინები, მისი ძმა ალექსანდრე გოგლიძე არ აპირებს კანდიდატურის მოხსნას ქალაქში. ივანე გოგლიძე 9 ოქტომბერს აუცილებლად წარდგება სასამართლოს წინაშე. ვნახოთ, ვინ ინატრებს 9 ოქტომბერს უფრო კარგ ჰაერს და ჟანგბადი ვის მოენატრება", -განაცხადა ბასიშვილმა
თუ რა გახდა ივანე გოგლიძის გაღიზიანების მიზეზი, ბადრი ბასიშვილმა ამ კითხვას არ უპასუხა, თუმცა აღნიშნა, რომ ივანე გოგლიძე "ქართული ოცნების" მხარდამჭერი და მისი პოლიტიკის გამტარებელია.
შეგახსენებთ, 2016 წლის 10 აგვისტოს ,,ნაციონალების“ ოფისის ფანჯრები კომპანია ,,კულას“ მფლობელმა ივანე გოგლიძემ ჩაამტვრია.
