ხვალ, 1-ელ აგვისტოს, „მაგთიკომისთვის“ „კავკასუს ონლაინის“ აქტივების გადაცემის პროცესი დაიწყება. კომპანია „მაგთიკომის“ ინფორმაციით, სრული საკომუნიკაციო სერვისის შესათავაზებლად, „მაგთიკომმა“ ინტეგრაციის პროცესისთვის მზადება ჯერ კიდევ ივნისში დაიწყო.
„კავკასუს ონლაინის“ კორპორაციული და საცალო მომსახურებისთვის საჭირო საოპერაციო აქტივების „მაგთიკომისთვის“ გადაცემის პროცესი, სავარაუდოდ, რამდენიმე თვე გაგრძელდება და მიმდინარე წლის ბოლომდე დასრულდება.
ინტეგრაციის პროცესში მომხმარებლებს შეუფერხებლად, უწყვეტ რეჟიმში მიეწოდებათ ყველა მომსახურება.
"ინტეგრაციის დასრულების შემდეგ კი მომხმარებლები მათ საჭიროებებზე და მოთხოვნებზე მორგებულ, მრავალფეროვან და ინოვაციურ პროდუქტებს მიიღებენ“, - აცხადებენ კომპანიაში.
