აზერბაიჯანის პრეზიდენტი საკონსტიტუციო ცვლილებების განხორციელების ინიციატივით გამოდის. აღნიშნულ საკითხზე რეფერენდუმის დასანიშნად ილჰამ ალიევმა აზერბაიჯანის საკონსტიტუციო სასამართლოს რეფერენდუმის შესახებ აქტი უკვე გადაუგზავნნა.
აზერბაიჯანის კონსტიტუციაში ცვლილებების შეტანების შესახებ რეფერენდუმი საქტი 29 პუნქტისგან შედგება. დოკუმენტი საპრეზიდენტო ვადის ხუთიდან შვიდ წლამდე გაზრდას ითვალისწინებს.
საკონსტიტუციო რეფორმის პროექტის თანახმად, გაუქმდება პრეზიდენტობის კანდიდატისთვის დაწესებული ასაკობრივი შეზღუდვა. ამას გარდა, სახელმწიფოს მეთაურს უფლება ექნება ვადამდელი საპრეზიდენტო არჩევნები დანიშნოს. ცვლილებები პრეზიდენტს პარლამენტის დათხოვნის შესაძლებლობასაც მისცემს. პროექტის თანახმად, ქვეყნის პირველ პირს პარლამენტის დათხოვნის უფლება იმ შემთხვევში ექნება, თუკი ერთი წლის განმავლობაში საკანონმდებლო ორგანო ორჯერ გამოუცხადებს უნდობლობას მთავრობას ან პრეზიდენტის მიერ წარდგენილ საკონსტიტუციო და უზენაესი სასამართლოების, ცენტრალური ბანკის წევრებს არ დაამტკიცებს.
საკონსტიტუციო ცვლილებების თანახმად, ქვეყანაში ასევე შეიქმნება ვიცეპრეზიდენტის ინსტიტუტი. აღნიშნულ თანამდებობებზე კანდიდატებს პრეზიდენტი დანიშნავს.
თუ აზერბაიჯანის საკონსტიტუციო სასამართლო რეფორმის პროექტს მხარს დაუჭერს, საკონსტიტუციო ცვლილებების საკითხს რეფერენდუმზე გაიტანენ.
წყარო: 2030
