ზურაბ პატარაძე დღეს ქალაქ ბათუმში ანგისის ქუჩაზე არსებულ მდგომარეობას გაეცნო. მთავრობის თავმჯდომარეს გახანგრძლივებული სარეაბილიტაციო სამუშაოების გამო შეწუხებულმა მოქალაქეებმა მიმართეს. იგი დაინტერესდა და დღესვე, ქალაქ ბათუმის მერთან გიორგი ერმაკოვთან ერთად გავიდა ადგილზე.
ზურაბ პატარაძემ დაათვალიერა ანგისის ქუჩა, გაესაუბრა მოსახლეობას და ქალაქის მერს სარეაბილიტაციო სამუშაოების დაჩქარების თხოვნით მიმართა.
