თურქეთში 2 745 მოსამართლე თანამდებობიდან გათავისუფლდა, უზენაეს სასამართლოს 140 მოსამართლეზე დაკავების ორდერი გაიცა.
ადგილობრივი მედიის ცნობით, მათ ფატიულაჰ გიულენთან კავშირში ედება ბრალი, რომელსაც თურქეთის ხელისუფლება სამხედრო გადატრიალების მცდელობაში ადანაშაულებს.
თურქეთის პრეზიდენტმა დღეს აშშ-ს ფეთჰულა გიულენის ექსტრადიცია მოსთხოვა.
„მივმართავ აშშ-ის პრეზიდენტ ბარაკ ობამას. აქამდეც არაერთხელ მითქვამს მათთვის, ან დეპორტაცია გაეკეთებინათ გიულენისთვის ან თურქეთისთვის გადმოეცათ, მაშინ არ მომისმინეს. ახლა, ამ სამხედრო გადატრიალების მცდელობის შემდეგ, მე კვლავ ვთხოვ აშშ-ს გადმოსცეს გიულენი თურქეთს. თუ ჩვენ ნამდვილად ვართ სტრატეგიული პარტნიორები, ვაშნგტონი გაითვალისწინებს ჩემს მოთხოვნას“, - ნათქვამია ერდოღანის განცხადებაში.
