4 ქართველი, რომელთანაც ახლობლები ეძებდნენ, ნიცაში უსაფრთხოდ არიან, - ამის შესახებ საფრანგეთში საქართველოს ელჩი ეკა სირაძე-დელონე აცხადებს.
”საელჩომ მოახერხა დაკავშირება მათ ახლობლებთან, რომლებიც ამ ოჯახს იცნობდნენ და შემდეგ მოახერხეს დაკავშირება 4 ქართველთან. აღმოჩნდა, რომ სახლში იყვნენ მთელი ამ ხნის განმავლობაში და სატელეფონო ზარებს არ პასუხობდნენ. ამ დროის მონაცემებით ისინი უსაფრთხოდ არიან და თავს კარგად გრძნობენ”, - განაცხადა ელჩმა.
ბოლო მონაცემებით, გუშინ ნიცაში მომხდარ ტერაქტს 84 ადამიანი ემსხვერპლა, აქედან 10 ბავშვია. საფრანგეთში ხვალიდან სამდღიანი ეროვნული გლოვაა გამოცხადებული.
