სამგორის რაიონში, ვარკეთილი 3-ის IV მ/რ-ში მდებარე №196 ბაღის ავარიულ ფლიგელს აღდგენა გამაგრება-რეკონსტრუქცია უტარდება.
მერიის ინფორმაციით, გარდა ავარიული ფლიგელის გამაგრების სამუშაოებისა, დაგეგმილია შიდა სივრცის მოწყობა, ასევე, მთელი ბაღის შენობის გარე ფასადის გარემონტება. სამუშაოების დასრულების შემდეგ 16 ჯგუფიან ბაღს კიდევ 4 ახალი ჯგუფი დაემატება.
196-ე ბაღის გამაგრება-აღდგენა-რეკონსტრუქციის სამუშაოების ღირებულება 464 000 ლარს შეადგენს.
აღდგენითი სამუშაოები თბილისის კიდევ ერთ - #143 საბავშვო ბაგა-ბაღში მიმდინარეობს.
