ნატო-ს გენერალური მდივანი აცხადებს, რომ ნატო-სა და ევროკავშირის უსაფრთხოება ურთიერთდამოკიდებულია, იენს სტოლტენბერგის განმარტებით, არც ნატოს და არც ევროკავშირს ცალცალკე არ შეუძლიათ ამ საფრთხეებზე რეაგირება.
„თუმცა ერთად ჩვენ ვართ გუნდი, რომელსაც აქვს მოქალაქეების დასაცვად და სამეზობლოში სტაბილურობის უზრუნველსაყოფად საჭირო ინსტრუმენტები“,- დასძინა სტოლტენბერგმა.
„ამ გაურკვევლობის პერიდოში ჩვენი პარტნიორობა განსაკუთრებულია. ჩვენ ერთოლბლივი პოზიცია გვაქვს რუსეთთან დაკავშირებით. ევროკავშირმა დააწესა ეკონომიკური სანქციები, ნატო-ს კოლექტიური თავდაცვა “ცივი ომის“ დასრულების შემდეგ ყველაზე მეტად არის გაძლიერებული. მიმდინარე წლის დასაწყისიდან ნატო-სა და ევროკავშირს შორის ორ მნიშვნელოვანი შეთანხმება გაფორმდა - ეგეოსის ზღვისა და კიბერუსაფრთხოების სფეროში თანამშრომლობის შესახებ. ბოლო ექვსი თვის განმავლობაში ჩვენს შორის უფრო მეტი ფორმალური შეთახნმება შედგა, ვიდრე ბოლო 14 წლის განმავლობაში. მეტყველებს, რომ ნატო-სა და ევროკავშირს შორის თანამშრომლობაში პროგრესია. ახლა დროა, ჩვენი თანამშრომლობა კიდევ ახალ, უფრო მაღალ დონეზე ავიყვანოთ“,-აღნიშნა ნატო-ს გენერალურმა მდივანმა.
ნატო-ს გენერალურმა მდივანმა, ევროკავშირის საბჭოს პრეზიდენტმა და ევროკომისიის პრეზიდენტმა თანამშრომლობის შესახებ ერთობლივ დეკალარაციას მოაწერეს ხელი.
