ტეხასის ქალაქ დალასში,სადაც მოსახლეობა პოლიციელების მიერ ლუიზიანასა და მინესოტაში ორი ფერდაკანიანი მამაკაცის მკვლელობას აპროტესტებდა, 4 სამართალდამცავი მოკლეს და 11 დაიჭრა.
აქციის დროს ორმა უცნობმა პირმა სამართალდამცველებს სნაიპერული შაშხანებიდან ცეცხლი გაუხსნა. სამი პოლიციელი ადგილზევე დაიღუპა, ერთი კი საავადმყოფოში მიყვანისას გარდაიცვალა. დაჭრილთაგან, რამდენიმეს მდგომარეობა მძიმეა.
ეჭვმიტანილებმა შემთხვევის ადგილიდან მიმალვა შეძლეს, ამჟამად მიმდინარეობს მათი ძებნა.
საპროტესტო აქციები აშშ-ში ლუიზიანაში დაიწყო. მოსახლეობის ნაწილი ქუჩაში მას შემდეგ გავიდა, რაც ინტერნეტში გავრცელდა ვიდეო, რომელშიც ჩანს როგორ ესვრის ორი პოლიციელი ფერადკანიანს ქალაქ ბატონ-რუჟში. როგორც მოგვიანებით გაირკვა, გარდაცვლილი 37 წლის ელტონ სტერლინგია. ის მკერდისა და ზურგის არეში ცეცხლსასროლი იარაღით მიყენებული ჭრილობებიგან გარდაიცვალა. მეორე დღეს ინტერნეტში კიდევ ერთი ჩანაწერი გამოქვეყნდა, სადაც ასევე ფერადკანიანი ფილანდო კასტილეს მკვლელობა ჩანს. კასტილე პოლიციამ მინესოტას შტატში მოკლა.
