აშშ-ის პრეზიდენტობის კანდიდატი დონალდ ტრამპი მიიჩნევს, რომ დიდ ბრიტანეთში ჩატარებული რეფერენდუმით ბრიტანელებმა თავიანთი ქვეყანა დაიბრუნეს. ამის შესახებ დონალდ ტრამპმა შოტლანდიაში, საკუთარი გოლფ-კურორტ “ტრამპ ტერნბერიში” მისვლისას განაცხადა.
გოლფ-კურორტის გახსნის ცერემონიალი ამერიკელმა მილირდერმა დიდი ბრიტანეთის ევროკავშირის წევრობის შესახებ რეფერენდუმის მეორე დღეს დაგეგმა.
დიდი ბრიტანეთის მოსახლეობის 51.9%-მა ისტორიულ რეფერენდუმში ქვეყნის ევროკავშირიდან გასვლას დაუჭირა მხარი. ლონდონში, შოტლანდიასა და ჩრდილოეთ ირლანდიაში ამომრჩეველმა ევროკავშირში დარჩენას დაუჭირა მხარი. უელსისა და ინგლისის მოსახლეობამ კი, დიდი ბრიტანეთის გამოყოფა არჩია.
ისტორიულ რეფერენდუმზე უფრო მაღალი აქტივობა დაფიქსირდა, ვიდრე გასულ წელს საყოველთაო არჩევნებზე. რეფერენდუმში ბრიტანეთის მოსახლეობის 72.2%-მა, ანუ 46 501 241 მილიონმა ადამიანმა მიიღო მონაწილეობა. აღსანიშნავია, რომ დიდი ბრიტანეთი, ევროკავშირის წევრი 43 წლის განმავლობაში იყო.
