საქართველოს საკონსტიტუციო სასამართლოს თავმჯდომარე სლოვენიის საკონსტიტუციო სასამართლოს 25 წლისთავისადმი და სლოვენიის რესპუბლიკის დამოუკიდებლობისადმი მიძღვნილ საერთაშორისო კონფერენციას დაესწრო. სასამართლოს ინფორმაციით, ღონისძიება ქალაქ ბლედში ჩატარდა.
კონფერენციის გახსნამდე მონაწილეებს სლოვენიის რესპუბლიკის პრეზიდენტმა ბორუტ პაჰორმა ბრდოს სასახლეში უმასპინძლა, სადაც გახსნითი სიტყვით ბორუტ პაჰორთან და მართლმსაჯულების ევროპული სასამართლოს თავმჯდომარე კოენ ლენარტსთან ერთად გიორგი პაპუაშვილი გამოვიდა, როგორც საქართველოსა და ევროპის საკონსტიტუციო სასამართლოების კონგრესის თავმჯდომარე.
კონფერენციას დაესწრნენ ევროპის საკონსტიტუციო სასამართლოების წარმომადგენლები და სხვა მაღალი რანგის სტუმრები.
