დიდი ბრიტანეთის პრემიერ-მინისტრმა დევიდ ქემერონმა თანამდებობის დატოვების გადაწყვეტილება მიიღო. ამის შესახებ განცხადება მან ცოტა ხნის წინ გამართულ ბრიფინგზე განაცხადა.
ქემერონმა აღნიშნული გადაწყვეტილება მას შემდეგ მიიღო, რაც გუშინ ჩატარებული რეფერენდუმის შედეგად, გაიმარჯვეს დიდი ბრიტანეთის ევროკავშირიდან გასვლის მხარდამჭერებმა. ის თანამდებობას ოქტომბერში დატოვებს.
რეფერენდუმის ჩატარება კონსერვატიული პარტიის 2015 წლის წინასაარჩევნო კამპანიასთან არის დაკავშირებული. დევიდ კამერონი გამარჯვების შემთხვევაში, მოსახლეობას ევროკავშირიდან გასვლის შესახებ რეფერენდუმის ჩატარებას დაპირდა.
დიდი ბრიტანეთის მოსახლეობის 51.9%-მა ისტორიულ რეფერენდუმში ქვეყნის ევროკავშირიდან გასვლას დაუჭირა მხარი. ლონდონში, შოტლანდიასა და ჩრდილოეთ ირლანდიაში ამომრჩეველმა ევროკავშირში დარჩენას დაუჭირა მხარი. უელსისა და ინგლისის მოსახლეობამ კი, დიდი ბრიტანეთის გამოყოფა არჩია.
ისტორიულ რეფერენდუმზე უფრო მაღალი აქტივობა დაფიქსირდა, ვიდრე გასულ წელს საყოველთაო არჩევნებზე. რეფერენდუმში ბრიტანეთის მოსახლეობის 72.2%-მა, ანუ 46 501 241 მილიონმა ადამიანმა მიიღო მონაწილეობა. აღსანიშნავია, რომ დიდი ბრიტანეთი, ევროკავშირის წევრი 43 წლის განმავლობაში იყო.
