შოტლანდია საკუთარ მომავალს ევოკავშირის შემადგენლობაში ხედავს,- ეს განცხადება ,,ბიბისის“ ინფორმაციით, შოტლანდიის მთავრობის მეთაურმა, ნიკოლა სტერჯენმა დიდი ბრიტანეთის რეფერენდუმის შედეგების კომენტირებისას გააკეთა.
„შოტლანდიამ ევროკავშირის შემადგენლობაში დარჩენას მისცა ხმა“, - აღნიშნა სტერჯენმა.
შოტლანდიის მთავრობის მეთაური მანამდე აცხადებდა, რომ დიდი ბრიტანეთის ევროკავშირიდან გასვლა შესაძლოა, შოტლანდიის დამოუკიდებლობის საწინდარი გახდეს.
წინასწარი მონაცემებით, გუშინ ჩატარებული რეფერენდუმის დროს ევროკავშირში დარჩენას შოტლანდიის მოსახლეობის 62%-მა დაუჭირა მხარი.
რეფერენდუმის წინასწარი შედეგების გამოქვეყნების შემდეგ, გაკეთდა პირველი განცხადებები შოტლანდიის დამოუკიდებლობის შესახებ ახალი რეფერენდუმის ჩატარებაზე.
