ბათუმში სპორტული მოედნების რეაბილიტაცია აქტიურად მიმდინარეობს. ბათუმის მერიაში აცხადებენ, რომ ქალაქის ტერიტორიაზე არსებული 40 სპორტული მოედნის კაპიტალური შეკეთება 1 სექტემბრამდე უნდა დასრულდეს.
ამ დროისთვის სამუშაოები ლერმონტოვის 104-106-ში მდებარე სტადიონზე მიმდინარეობს, სადაც იცვლება დაზიანებული ღობე, კალათბურთის ფარები, ფეხბურთის კარების ბადეები და ხელოვნური საფარი.
სპორტული მოედნის მოწყობა თვის ბოლოსთვის დასრულდება. სამუშაოებს ტენდერში გამარჯვებული შპს ,,მონოლითი 2005“ ასრულებს.
ქალაქის ტერიტორიაზე არსებული სპორტული მოედნების კაპიტალური შეკეთებისთვის 1 მილიონ 200 ათასამდე ლარია გამოყოფილი.
