სოფლის   მეურნეობის   სამინისტროს   სოფლის   მეურნეობის   პროექტების მართვის სააგენტომ „ერთიანი აგროპროექტის“ პრეზენტაცია გამართა. ღონისძიებას საქართველოს პრემიერ-მინისტრი, გიორგი კვირიკაშვილი დაესწრო. სიტყვით გამოსვლისას პრემიერ-მინისტრმა მადლობა გადაუხადა სოფლის მეურნეობის მინისტრს, ოთარ დანელიას და მის გუნდს საქართველოს სოფლის მეურნეობის განვითარებისთვის გაწეული მნიშვნელოვანი სამუშაოსთვის. როგორც პრემიერმა აღნიშნა, მიმდინარე პროექტების გაერთიანება „ერთიან აგროპროექტში" მთავრობის მუშაობას კიდევ უფრო ეფექტიანს გახდის და სახელმწიფო პროექტებით სარგებლობა ხალხს უფრო მეტ სიკეთეს მოუტანს.

„ერთიანი აგროპროექტის“ პრეზენტაცია სოფლის მეურნეობის მინისტრმა, ოთარ დანელიამ წარადგინა. როგორც მინისტრმა აღნიშნა, სოფლის მეურნეობის სამინისტროს ინიცირებით, სააგენტო   არაერთ მასშტაბურ პროექტს ახორციელებს, რომელთა მიზანიც სასოფლო-სამეურნეო წარმოების ხელშეწყობაა.

,,მოგეხსენებათ, სოფლის მეურნეობის პროექტების მართვის სააგენტოს მიერ არაერთი პროექტი ხორციელდება, გვაქვს ახალი პროექტებიც. ერთიანი კონცეფციის ფორმატში და მთავრობის 4 პუნქტიანი გეგმის შესაბამისად, ჩვენ დღეს ახალი ინიციატივა შევთავაზეთ საზოგადოებას, რაც მიმდინარე და დაგეგმილი პროექტების ერთი ქუდის ქვეშ გაერთიანებას გულისხმობს. ჩვენთვის მნიშვნელოვანია სწორი და ეფექტიანი კომუნიკაცია საზოგადოებასთან. „ერთიანი აგროპროექტი“ შესაძლებლობას მისცემს მეწარმეებს, ფერმერებს, გლეხებს ერთი ფანჯრის პრინციპით მიიღონ ყველა ის პროდუქტი, რომელსაც აგრარული დარგის განვითრების მიზნით ვთავზობთ. „ერთიანი აგროპროქტში“ შევიდა აგროდაზღვევა და აგროკრედიტი უკვე განახლებული კომპინენტებით. ჩვენთვის უმნიშვნელოვანესია მოქალაქეებისთვის შეღავათიან ფინანსურ რესურსებზე კიდევ უფრო მეტი ხელმისაწვდომობის, ლარის გრძელვადიანი პერსპექტივით სესხების გაცემის შესაძლებლობების უზრუნველყოფა; ასევე, საერთაშორისო დონორ ორგანიზაციებთან ურთიერთობა, ევროსტანდარტებისა და ახალი ტექნოლოგიების დანერგვის ხელშეწყობა, იმ არსებული რესურსების ოპტიმიზაცია, რომელიც მობილიზებულია, დამატებითი სამუშაო ადგილების შექმნა.

დღეისათვის ჩვენ ვსაუბრობთ 15000-მდე დასაქმებულზე, საიდანაც 4000-მდე ახალი სამუშაო ადგილი სამინისტროს მიერ განხორციელებული პროექტების ფარგლებში შეიქმნა. სულ მილიარდ ლარზე მეტი სესხი გაიცა. მინდა შეგახსენოთ, რომ 2011 წლისთვის ეს ციფრი 60 მლნ ლარს არ აღემატებოდა. ყოველივე ამან განაპირობა აგრარულ დარგში უპრეცედენტოდ მაღალი უცხოური პირდაპირი ინვესტიცია, რამაც 2015 წელს 28 მლნ დოლარზე მეტი შეადგინა“, - აღნიშნა ოთარ დანელიამ.

სოფლის მეურნეობის მინისტრმა დეტალურად ისაუბრა სოფლის მეურნეობის პროექტების მართვის სააგენტოს მიერ განხორციელებულ და მიმდინარე პროექტებზე - შეღავათიანი აგროკრედიტი, საწარმოთა   თანადაფინანსება,   აგროდაზღვევა,   დანერგე   მომავალი, მცირემიწიან ფერმერთა საგაზაფხული სამუშაოების ხელშეწყობა, ქართული ჩაი. თითოეული პროექტი შემუშავებულია სამინისტროს მიერ დარგის განვითარების ერთიანი ხედვისა და სტარტეგიის გათვალისწინებით. პროექტების ფარგლებში, სოფლის   მეურნეობის   პროექტების   მართვის   სააგენტოს   1,000,000-მდე ადამიანთან ჰქონდა ინტერაქცია.   დაინტერესებულ   მოსარგებლეს   საშუალება აქვს   შექმნას   პირველადი   და   გადამამუშაველი   აგროსაწარმო   და   დანერგოს აგროსტანდარტი. აღნიშნული ფაქტორების გათვალისწინებით, მოსახლეობასთან კომუნიკაცია გახდა მრავალმხრივი.

ზემოაღნიშნულიდან გამომდინარე, კომუნიკაციის ეფექტიანობის გაზრდის, დაინტერესებული   მოსარგებლისთვის   საჭირო/შესაბამისი პროექტის/პროექტების   ამოცნობის   გასამარტივებლად,   ერთიანი სტრატეგიის   წარმოჩენისა   და   სწორი   პოზიციონირებისთვის სოფლის მეურნეობის პროექტების მართვის სააგენტოს მიმდინარე და დაგეგმილი პროექტები ერთი ქუდის - „ერთიანი აგროპროექტის“ ქვეშ ერთიანდება.

გაწეული საქმიანობის შეფასების საფუძველზე, პროექტები მუდმივად იხვეწება და მიმართულებათა რაოდენობა იზრდება. საჭიროების   გათვალისწინებით ხორციელდება   ცვილებები   როგორც   საკანონმდებლო,   ასევე   დაფინანსების მიმართულებით.  

დაფინანსებულ   საწარმოებში   ინერგება   HACCP   და ISO22000:2005   სტანდარტები;   მიმდინარეობს   მუშაობა   Global   G.A.P. სტანდარტის დანერგვაზე. ჩამოყალიბდა   კომპეტენციის   ცენტრი,   ჩატარდა   კვლევა   აგრარული   დარგის მიმართულებით   საჭიროებების   გამოსავლენად;   დაიწყო   სასწავლო   კურსები პროექტებით   მოსარგებლეთათვის;   იგეგმება   თანამშრომლობა   საერთაშორისო ფონდებთან,   ასევე   სააგენტოს   მიერ   დაფინანსებულ   საწარმოებში   სასწავლო ტურები   დაინტერესული   სტუდენტებისთვის.   შეიქმნა   ერთიანი   სივრცე მოსახლეობასთან   კომუნიკაციის   გამარტივების   და   გაუმჯობესების   მიზნით   და ამოქმედდა ცხელი ხაზის ახალი ნომერი 1501.

დღეის მონაცემებით, სოფლის მეურნეობის სამინისტროს სოფლის მეურნეობის პროექტების   მართვის   სააგენტოს   მიერ   განხორცილებული   პროექტების ფარგლებში:

• გაცემულია 26 300   სესხი,   მათ   შორის,   24,426   სესხი,   საერთო   თანხით 693,960,821   ლარი   და   1,874   სესხი,   საერთო   თანხით,   202,557,257   აშშ დოლარი;
• შეიქმნა 150 ახალი აგროსაწარმო;
• გაფართოვდა/გადაიარაღდა 700   პირველადი   და   გადამამუშავებელი აგროსაწარმო;
• დაეზღვა 200 000 000 ლარამდე ღირებულების მოსავალი;
• ყოველწლიურად დახმარება     700   000   -   ზე   მეტ   მცირემიწიან   ფერმერს გადაეცემა   და   მათ   საკუთრებაში   არსებული   200   ათას   ჰექტარზე   მეტი   მიწა მუშავდება;