მექსიკის სამხრეთ ნაწილში პოლოციასა და მასწავლებლებს შორის შეტაკების დროს ექვსი ადამიანი დაიღუპა. დაშავებულთა რიცხვი 45-ს აღწევს. ინციდეტი ოახაკას შტატში მოხდა, სადაც გასულ კვირას კორუფციის ბრალდებით განათლების სფეროს თანამშრომელთა პროფკავშირის ორი ლიდერი დაააკავეს.
მასწავლებლებმა დაკავებას პოლიტიკურად მოტივირებული უწოდეს და აქტივისტების გათავისუფლების მოთხონით ავტომაგისტრალები გადაკეტეს. პროფკავშირთა წევრთა საპროტესტო აქციამ ქვეყნის სამხრეთ ნაწილში ტრანსპორტის მოძრაობის პარალიზება გამოიწვია. მექსიკის სახელმწიფო ნავთობკომპანიამ “პემექსმა” განაცხადა, რომ იძულებული იქნება ადგილობრივი ნავთობგადამამუშავებელი ქარხანა დაკეტოს, თუ ოახაკასა და დედაქალაქის დამაკავშირებელი მაგისტრალი არ გაიხსნება.
პოლიციამ დემონსტრანტების დაშლა სცადა, რა დროსაც, ხელისუფლების განცხადებით, ადგილობრივი დაჯგუფებების წევრებმა, ცეცხლი გახსნეს, რასაც პანიკა მოჰყვა.
მექსიკის პოლიციის მტკიცებით, გზის გაწმენდის ოპერაციაში მონაწილე სამართალდამცველებს ცეცხლსასროლი იარაღი არ ჰქონიათ.
