გერმანია მხარს უჭერს საქართველოს ვიზალიბერალიზაციას, რაც არაერთ განცხადებაში აღინიშნა, საკითხის გადაწყვეტა დაკავშირებულია მხოლოდ უვიზო რეჟიმის შეჩერების მექანიზმთან, რომელიც ევროპარლამენტმა ზაფხულში უნდა მიიღოს, - ამის შესახებ ჟურნალისტებს გერმანიაში საქართველოს ელჩმა, ლადო ჭანტურიამ განუცხადა.
მისივე თქმით, სწორედ ამის შემდეგ გადაწყდება საბოლოოდ ვიზალიბერალიზაციის საკითხი.
როგორც ჭანტურიამ აღნიშნა, პოლიტიკური გადაწყვეტილება მიღებულია და პროცესი დაკავშირებულია მხოლოდ ტექნიკურ დეტალებთან.
რაც შეეხება გერმანულ პრესაში გავრცელებულ ინფორმაცია ქართველ კრიმინალებზე, ჭანტურიას თქმით, მონაცემები გერმანული პრესის მიერ იყო გაზვიადებული.
„ბევრი ფაქტი არ დასტურდება, თუმცა ეს პრობლემა არსებობს. ფაქტია ისიც, რომ კარგი გამოცდილება არსებობს საქართველოსა და გერმანიას შორის საპოლიციო თანამშრომლობის, რომელიც ძალიან ნაყოფიერია. იმედია, ეს პრობლემა მომავალში, მთლიანად თუ არა, ნაწილობრივ მაინც გადაწყდება. ეს პრობლემა ჩრდილს აყენებს საქართველოს საერთაშორისო ავტორიტეტს. თუმცა არ არის დაკავშირებული საქართველოს ვიზალიბერალიზაციის პროცესთან“,-აღნიშნა ლადო ჭანტურიამ.
