გაეროს გენერალურმა მდივანმა პან გი–მუნმა დაგმო თელ ავივში 8 ივნისს პალესტინელი თავდამსხმელების მიერ განხორციელებული ტერორისტული აქტი, რომელსაც ოთხი ისრაელელის სიცოცხლე ემსხვერპლა. მან დაღუპულთა ოჯახებს და ისრაელის მთავრობას სამძიმარი გამოუცხადა.
გენერალურმა მდივანმა ხაზგასმით აღნიშნა, რომ ტერორიზმის გამართლება და ამ საშინელი აქტის ჩამდენთა აღზევება დაუშვებელია.
მან ასევე გამოთქვა აღშფოთება იმასთან დაკავშირებით, რომ "ჰამასი" მომხდარს ზეიმით შეხვდა. იგი მიმართავს პალესტინის ლიდერებს, პასუხისმგებლობით მოეკიდონ საკუთარ მოვალეობას, წინ აღუდგნენ ძალადობას და არ წაახალისონ მსგავსი ქმედებები მომავალში.
