15-16 ივნისს ოქსფამის საქართველოს წარმომადგენლობა თბილისში, სასურსათო უსაფრთხოებისა და ნუტრიციის საერთაშორისო კონფერენციას გამართავს.
ორგანიზატორების ინფორმაციით, ღონისძიებას დაესწრებიან სამთავრობო უწყებებისა და სამოქალაქო სექტორის წარმომადგენლები აღნიშნულ სფეროში ჩართულ მთავარ მხარეებთან და საერთაშორისო ექსპერტებთან ერთად, როგორც სამხრეთ კავკასიის რეგიონიდან, ასევე ევროპიდან. კონფერენციის მონაწილეები სასურსათო უსაფრთხოებისა და ნუტრიციის პოლიტიკის მდგომარეობის, გამოწვევებისა და საუკეთესო გამოცდილების შესახებ იმსჯელებენ და ეს ყოველივე ადგილობრივისურსათის წარმოების მხარდაჭერისკენ იქნება მიმართული. ევროპის ქვეყნების წარმომადგენლები მცირე მეურნეების განვითარებაზე ორიენტირებული ინკლუზიური პოლიტიკისა და პროგრამების საერთაშორისო მაგალითებს წარმოადგენენ. საერთაშორისო და ადგილობრივი ექსპერტები კომპლექსურ მიდგომებზე გაამახვილებენ ყურადღებას ნუტრიციისა და სასურსათო უსაფრთხოების სისტემების განვითარების კუთხით.
ოქსფამმა ევროკავშირის მიერ დაფინანსებული პროექტის - „ეროვნული სასურსათო უსაფრთხოების სტრატეგიის სრულყოფა და მცირე ფერმერების მხარდაჭერა სამხრეთ კავკასიაში“ - ფარგლებში არაერთი კვლევა ჩაატარა.კონფერენციის მონაწილეები კვლევის შედეგებს წარუდგენენ საზოგადოებას ნუტრიციის, სასურსათო უსაფრთხოების მონიტორინგისა და სოფლის მეურნეობისა და ნუტრიციისადმი გენდერულად სენსიტიური მიდგომების შესახებ, რომლებიც შესაფერისიაროგორც სამხრეთ კავკასიის რეგიონში, ასევე მის ფარგლებს გარეთაც.
ორდღიანი ღონისძიება ხაზს გაუსვამს გამოწვევებსა და საუკეთესო გამოცდილებებს სასურსათო უსაფრთხოების პოლიტიკის განვითარების, განხორციელებისა და მონიტორინგის ასპექტში,რათა გააძლიეროს იმ სამოქალაქო საზოგადოების, პოლიტიკაზე მომუშავე პირების და პროცესში ჩართული მხარეების მხარდაჭერა, რომლებიც მუშაობენ სასურსათო უსაფრთხოებისა და ნუტრიციის მიმართულებით სამხრეთ კავკასიაში.
