საქართველო გაეროს ევროპის ეკონომიკური კომისიის (UNECE) „გარემო ევროპისათვის“ მე-8 გარემოსდაცვით მინისტერიალს მასპინძლობს. მინისტრთა კონფერენცია - „ბათუმი 2016“ სასტუმრო „შერატონ ბათუმში“ გარემოსა და ბუნებრივი რესურსების დაცვის სამინისტროს ორგანიზებით გაიმართება.
„გარემო ევროპისთვის“ მინისტრთა მე-8 კონფერენციის ფარგლებში, ელექტრონული და ბეჭდური მედიის წარმომადგენლებისთვის მედია-სემინარი გაიმართა. ჟურნალისტებს გარემოს დაცვის მინისტრის მოადგილემ თეიმურაზ მურღულიამ კონფერენციის ძირითადი თემები - „მწვანე ეკონომიკის განვითარება პან-ევროპულ რეგიონში“ და „ჰაერის ხარისხის გაუმჯობესება უკეთესი გარემოსა და ადამიანის ჯანმრთელობისთვის“ და განათლება მდგრადი განვითარებისთვის“ გაეროს გარემოსდაცვითი პროგრამის წარმომადგენლებთან ერთად გააცნო.
ბათუმის მინისტერიალის ფარგლებში საქართველო უმასპინძლებს 56 ქვეყნის 600-მდე ოფიციალურ დელეგატს გარემოს დაცვისა და განათლების საკითხებზე პასუხისმგებელი მინისტრების, ბიზნეს-სექტორის, ბიზნეს- ასოციაციებისა და 55 საერთაშორისო ორგანიზაციის მაღალი დონის წარმომადგენლებს.
მედიასემინარი გარემოსა და ბუნებრივი რესურსების სამინისტროს, გაეროს გარემოსდაცვითი პროგრამისა და გაეროს ევროპის ეკონომიკური კომისიის ორგანიზებით გაიმართა.
