ევროპარლამენტის საგარეო საქმეთა კომიტეტის უსაფრთხოებისა და თავდაცვის ქვეკომიტეტის თავმჯდომარის ანა ფოტიგას ინფორმაციით, ევროკავშირის ზოგიერთ ქვეყანას საქართველოსა და უკრაინისთვის ვიზალიბერალიზაციის გადადება სურს. უკრაინულ მედიასთან საუბრისას მან განაცხადა, რომ ევროპარლამენტის წევრთა უმრავლესობა ვიზალიბერალიზაციის დაწესების მომხრეა, მაგრამ ევროკავშირის საბჭოს ამ დრომდე არანაირი გადაწყვეტილება არ მიუღია.
„ჩვენს მხარს ვუჭერთ საქართველოსა და უკრაინისთვის უვიზო რეჟიმის დაუყონებლივ დაწესებას, მაგრამ ამ დრომდე ველოდებით ევროკავშირის საბჭოს შესაბამის გადაწყვეტილებას. ზოგიერთ ქვეყანას ამ პროცესის გადადება სურს“, - განაცხადა ფოტიგამ.
საქართველოსთვის უვიზო რეჟიმის დაწესების საკითხის განხილვა 9-10 ივნისს, ევროკავშირის წევრი ქვეყნების იუსტიციისა და შინაგან საქმეთა მინისტრების სხდომაზეა დაგეგმილი.
