უამინდობის მიუხედავად დღეს დედოფლისწყაროს რაიონი სოფელ მირზაანში "ფიროსმანობა 2009"-ს აღნიშნავს. ადგილობრივებმა ფიროსმანის სახლ-მუზეუმის მიმდებარე ტერიტორიაზე სოფლის ნობათის გამოფენა გაყიდვა მოაწყვეს.
დღესასწაულზე ადგილობრივებს "ზუმბამ" და ანსამბლმა "ჩვენებურებმაც" უმღერეს. მოგვიანებით დედოფლისწაროს კულტურის სახლში ადგილობრივი ანსამბლის მონაწილეობით დიდი მხატვრის, ნიკო ფიროსმანისადმი მიძღვნილი კონცერტი გაიმართა.
"დღეს ფიროსმანობა გრანდიოზულად აღინიშნება. დიდი მხატვრის, ნიკო ფიროსმანის გასახსენებლად ყოველთვის იარსებებს ეს დღე", - განუცხადა კახეთის გუბერნატორმა გიორგი ღვინიაშვილმა.
