ევროპის რეკონსტრუქციისა და განვითარების ბანკი („ევრობანკი“) და ევროპის კავშირი („ევროკავშირი“) გამოდიან ინიციატივით, რათა ერთობლივი პროგრამით დაუჭირონ მხარი საქართველოს მცირე და საშუალო ზომის საწარმოებს ევროკავშირის სტანდარტებზე გადაწყობაში, რათა მათ სრულად მოახდინონ იმ შესაძლებლობების სრული პოტენციალის რეალიზაცია, რასაც საქართველოსა და ევროკავშირს შორის გაფორმებული ღრმა და ყოვლისმომცველი თავისუფალი ვაჭრობის შეთანხმება გულისხმობს.
თავისუფალი სავაჭრო სივრცის მოწყობა არის 2014 წელს საქართველოსა და ევროკავშირის შორის ხელმოწერილი ასოცირების შეთანხმების ნაწილი. ადგილობრივ მეწარმეებს ამგვარად ექმნებათ წვდომა ევროკავშირის ერთიან სარეალიზაციო ბაზარზე, რომელიც ამავდროულად არის მსოფლიოს უდიდესი ბაზარი. ყოველივე ამით შესაძლებელი ხდება საქართველოს ეკონომიკის განვითარებისა და ზრდის სტიმულირება.
ადგილობრივ ვალუტაში დაფინანსების მექანიზმის ფარგლებში ევრობანკი სს „საქართველოს ბანკს“ გამოუყოფს 100 მილიონი აშშ დოლარის ექვივალენტს (დაახლოებით 220 მილიონ ლარს), რათა მოხდეს ქვეყნის მცირე და საშუალო ბიზნესის განვითარების ხელშეწყობა. დაფინანსების ხსენებული მექანიზმი. ის მოიცავს ღრმა და ყოვლისმომცველი თავისუფალი ვაჭრობის შეთანხმების ფარგლებში მცირე და საშუალო ზომის საწარმოებისთვის $50 მილიონიან დაფინანსებას, ცალკე ამ სეგმენტის $40 მილიონიან დაფინანსებას და ამავე სეგმენტში მოქმედი ქალი მეწარმეებისთვის $10 მილიონიან დაფინანსებას - ყოველივე ეს ადგილობრივ ვალუტაში - მიმართული იქნება სს „საქართველოს ბანკიდან“ კერძო სექტორზე გადასესხების მიზნით.
ეს დაფინანსების მექანიზმი უპირველეს ყოვლისა მცირე და საშუალო ზომის საწარმოებს დაეხმარება პროდუქციის ხარისხის გაუმჯობესების და წარმოების მოდერნიზაციის მიზნით კაპიტალდაბანდების განხორციელებაში, რათა ამგვარად დაკმაყოფილდეს ევროკავშირის სტანდარტები. შედეგად, ხელსაყრელი გარემო შეიქმნება საქართველოს საერთაშორისო ვაჭრობისთვის და ეკონომიკური ზრდისთვის. ევროკავშირი დაინტერესებულ მცირე და საშუალო ზომის საწარმოებს 15 პროცენტამდე საინვესტიციო მასტიმულირებელ ფაქტორად გამოუყოფს ტექნიკურ დახმარებას. მას საკონსულტაციო მომსახურების სახე ექნება და საერთაშორისო ექსპერტების მიერ იქნება მოწოდებული ევრობანკის მცირე ბიზნესის ხელშეწყობის პროგრამის ფარგლებში. ასევე, დაფინანსების ეს მეზანიზმი გაზრდის წვდომას ადგილობრივ ვალუტაში გამოხატულ საკრედიტო რესურსებზე - რაც ძალზედ საჭიროა - და უშუალოდ ქალი-მეწარმის მართვის ან მფლობელობის ქვეშ არსებულ საწარმოებს დაეხმარება ფინანსების, ტექნიკური ცოდნისა და კონსულტაციების მიღებაში.
ეს ძალიან მიმზიდველი დაფინანსების ინსტრუმენტია საქართველოში მოქმედი მცირე და საშუალო ზომის საწარმოებისთვის, კომერციული ბანკებისთვის. ყოველივე ამის მიზეზია შემდეგი:
• მცირე და საშუალო ზომის საწარმოებისთვის კრედიტების გაცემა ადგილობრივ ვალუტაში მოხდება, რაც ძალიან მნიშვნელოვანია მათთვის,
• ვადიანობა 5 წლამდე, ხოლო შეღავათიანი პერიოდი - 2 წელი იქნება,
• საინვესტიციო მასტიმულირებელი ფაქტორის სახით 15% ექნებათ მცირე და საშუალო ზომის საწარმოებს (თანხის დაბრუნების სახით),
• პირველი სესხის რისკის დაზღვევა უზრუნველყოფილია მცირე და საშუალო საწარმოებისთვის განსაზღვრული საკრედიტო პორტფელის ჯამური ოდენობის თითქმის 10 პროცენტზე,
• საერთაშორისო ექსპერტების მიერ უფასო ტექნიკური დახმარების უზრუნველყოფა მოხდება კვალიფიციური მცირე და საშუალო ზომის საწარმოებისთვის,
• ახალ ტექნოლოგიებსა და აპრატურა-დანადგარებში კაპიტალდაბანდების ხელშეწყობა იქნება შესაძლებელი.
დღევანდელი ხელმოწერით იწყება ევრობანკისა და ევროკავშირის ერთობლივი პროგრამის პირველი ეტაპი, რომელიც გულისხმობს ევრობანკის თანამშრომლობას ადგილობრივ კომერციულ ბანკებთან, რათა ქვეყანაშო მოქმედ მეწარმე სუბიექტებს მიეცეთ წარმოების ხარისხისა და მომსახურების სტანდარტების შემდგომ გაუმჯობესებაში კაპიტალდაბანდების შესაძლებლობა.
ევრობანკის კავკასიის, მოლდოვასა და ბელორუსიის დირექტორის, ბატონი ბრუნო ბალვანერას მოსაზრებით „ევროკავშირთან ღრმა და ყოვლისმომცველი თავისუფალი ვაჭრობის შეთანხმება საქართველოში მოქმედ საწარმოებს ძალზედ მნიშვნელოვან სარეალიზაციო ბაზარს უხსნის. რეგიონულ ბაზრებზე მეტი კონკურენციისთვის, კომპანიებმა წარმოებისა და ხარისხის უფრო მაღალი სტანდარტები უნდა იქონიონ; კორპორატიული მმართველობა დახვეწონ, დაგეგმარება და ფინანსური მართვა გაიუმჯობესონ. მადლობას ვუხდით ევროკავშირს - ჩვენს უმსხვილეს დონორს, ამ მნიშვნელოვანი ინიციატივის განხორციელების პროცესში ჩვენი განუხრელი დახმარებისთვის. ევრობანკს გაცნობიერებულად აქვს ნაკისრი ვალდებულება საქართველოში მოქმედი მეწარმეებისა და საწარმოების დახმარებაზე ინვესტიციების, ტექნიკური ცოდნისა და მთავრობასთან დარგობრივი პოლიტიკის შესახებ დიალოგის წარმოების გზით, რათა ქვეყნის ეკონომიკამ მაქსიმალუად მოახდინოს ახალი საბაზრო შესაძლებლობების რეალიზაცია“.
ევროპის კომისიის სამეზობლო პოლიტიკისა და გაფართოების საკითხებზე მოლაპარაკებების გენერალური დირექტორატის ხელმძღვანელის მოადგილის, ქალბატონი კატერინა მატერნოვას მოსაზრებით „საქართველომ დიდი ძალისხმევა განახორციელა ევროკავშირის სტანდარტებთან მიახლოებისა და ჰარმონიზაციის პროცესში, რაც ეფუძნება ევროკავშირთან ასოცირების და ღრმა და ყოვლისმომცველი თავისუფალი ვაჭრობის შეთანხმებების ფარგლებში ნაკისრ ვალდებულებებს. ღრმა და ყოვლისმომცველი თავისუფალი ვაჭრობის შეთანხმება ქვეყნის შემდგომი ეკონომიკური ზრდის ხელშემწყობი იქნება. ეს საქართველოს მოდერნიზაციისა და განვითარების უმნიშვნელოვანესი პრიორიტეტია. ხსენებული შეთანხმებით გათვალისწინებული შესაძლებლობების ფონზე საქართველოში მოქმედ მეწარმეებსა და მცირე და საშუალო ზომის საწარმოებს განვითარების უშველებელი პოტენციალი ექმნებათ. თუმცა მნიშვნელოვანია მათი მომზადება მაღალი სტანდარტების დასაკმაყოფილებლად და ეფექტური კონკურენციისთვის. მიმაჩნია, რომ ევროკავშირის გრანტი და ევრობანკის სესხი ტექნიკურ დახმარებასთან ერთად დამატებით სარგებელს მისცემს როგორც მცირე და საშუალო საწარმოებს, ასევე მომხმარებლებს. იმედი მაქვს ღრმა და ყოვლისმომცველი თავისუფალი ვაჭრობის შეთანხმება კარგად წაადგება ქვეყანას ხსენებულ ბაზარზე კონკურენკურენციის გასაზრდელად.“
„ძალიან მახარებს ყველაზე მოცულობითი და ამავდროულად ყველაზე განგრძილივი ვადიანობის მქონე საკრედიტო რესურსის მიღება ადგილობრივ ვალუტაში, რაც ოდესმე მიუღია საქართველოში მოქმედ კომერციულ ბანკს. სესხის ჯამური ოდენობა თითქმის 220 მილიონი ლარია. ის სს „საქართველოს ბანკს“ მისცემს ლარში გრძელვადიანი სესხების გაცემის საშუალებას, რაც ქვეყანაში მოქმედი მიკრო, მცირე და საშუალო ზომის საწარმოებისთვის უმნიშვნელოვანესი დახმარება იქნება. ჩვენი ბანკის ერთერთი ძირითადი პრიორიტეტი სწორედ ეს გახლავთ: გაიზარდოს მცირე და საშუალო საწარმოების დაფინანსება, ქალი მეწარმეების ხელშეწყობა ქვეყნის კერძო სექტორის განვითარების კონტექსტში. აქვე, წარმატებული თანამშრომლობისთვის მადლობას მოვახსენებ ჩვენი დიდი ხნის პარტნიორს - ევრობანკს“ განაცხადა სს „საქართველოს ბანკის“ გენერალურმა დირექტორმა ბატონმა მურთაზ კიკორიამ.
2011 წლიდან ევროკავშირს ევრობანკისადმი 42 მილიონი ევრო აქვს გამოყოფილი მცირე ბიზნესის საკონსულტაციო მომსახურებისთვის, რაც ხმარდება ადგილობრივი მეწარმეების ტექნიკური ცოდნის ზრდას და ბიზნესის განვითარებას აღმოსავლეთ სამეზობლო რეგიონში. ორივე პროგრამა „ევროკავშირი ბიზნესისთვის“ ინიციატივის ნაწილია და მხარს უჭერს ევროკავშირის პროექტების განხორციელებას მცირე და საშუალო ზომის საწარმოების გასაძლიერებლად აღმოსავლეთ პარტნიორობის ქვეყნებში.
ადგილობრივი წარმომადგენლობისა და სამივე ქვეყანაში კერძო სექტორის განვითარების სფერშო 25 წლიანი გამოცდილების საფუძველზე, ევრობანკი ყველაზე ძლიერი და გამოკვეთილი პოზიციის მქონეა ამ პროექტის წარმატების უზრუნველსაყოფად. სამივვე ქვეყანაში ის არის უმსხვილესი ინსტიტუციონლური ინვესტორი, ხოლო უშუალოდ საქართველოში დაბანდებული აქვს 2.6 მილიარდი ევრო.
###
ევროპის რეკონსტრუცქციისა და განვითარების ბანკი (ევრობანკი), რომელსაც ფლობს 65 ქვეყანა და ორი სამთავრობათაშორისი დაწესებულება, მხარს უჭერს საბაზრო ეკონომიკისა და დემოკრატიის განვითარებას. დამატებითი ინფორმაციისთვის ეწვიეთ ჩვენს გვერდს ინტერნეტში, ან სოციალურ ქსელებში Facebook და Twitter.
ევროპის კავშირი შედგება 28 წევრი სახელმწიფოსგან, რომლებმაც გადაწყვიტეს ეტაპობრივად დაეკავშირებინათ ერთმანეთთან საკუთარი ტექნიკური ცოდნა, რესურსები და ბედი. ერთად, გაფართოების 60 წლიან პერიოდში, მათ მოახერხეს სტაბილური, დემოკრატიული და მდგრადი განვითარების მქონე ზონის შექმნა და იმავდროულად შეინარჩუნეს კულტურული მრავალფეროვნება, ტოლერანტობა და თავისუფლება. ევროკავშირს ვალდებულება აქვს ნაკისრი ამ მიღწევებისა და ფასეულობების გაზიარებაზე მის საზღცრებს გარეთ ქვეყნებსა და ერებთან.
