ტურიზმის ადმინისტრაციის მხარდაჭერით „პაშა ბანკმა“ Meeting Room-ის ფარგლებში პირველ ბიზნეს კონფერენციას უმასპინძლა. კონფერენცია „სასტუმროების დეველოპმენტი საქართველოში“ „პასა ბანკის“ ახალი პროექტის Meeting Room-ის ფარგლებში შედგა და მას სასტუმრო, სამშენებლო და უძრავი ქონების ბიზნესში ჩართული კომპანიის წარმომადგენლები დაესწრნენ. კონფერენციის მხარდამჭერი ტურიზმის ადმინისტრაციასთან ერთად კომპანია „Colliers International“-იც იყო.
როგორც ტურიზმის ეროვნულ ადმინისტრაციის ხელმძღვანელმა გიორგი ჩოგოვაძემ განაცხადა, განმარტავენ, მსგავს შეხვედრებს ადმინისტრაცია ყოველთვის მხარს დაუჭერს, რადგან მზარდი ტურისტული ნაკადის ფარგლებში, რასაც ბოლოდროინდელი სტატისტიკა ადასტურებს კერძო სექტორის ჩართულობა ძალიან მნიშვნელოვანია.
„მნიშვნელოვანია, რომ პირველივე კონფერენცია ქვეყანაში ტურიზმის ინდუსტრიის განვითარებაზეა. თანამშრომლობა კერძო სექტორსა და კერძო სექტორს შორის უმნიშვნელოვანესია“, აღნიშნა ტურიზმის ადმინისტრაციის ხელმძღვანელმა გიორგი ჩოგოვაძემ.
კონფერენციაზე „Colliers International“-ის სათაო ოფისიდან სპეციალურად მოწვეულმა სპიკერმა მარკ ფინიმ საერთაშორისო სასტუმრო ოპერატორების უპირატესდობაზე ისაუბრა.
Colliers International-ი უძრავი ქონების სერვისების გლობალური კომპანიაა, რომლის ძირითად მიმართულებებს უძრავი ქონების დეველოპმენტის სერვისი, უძრავი ქონების კვლევა, კონსალტინგი და შეფასება წარმოადგენს.
„მოხარული ვარ, რომ Meeting Room-ის პირველი შეხვედრა წარმატებით შედგა და ჩვენ რეალურად დავინახეთ მისი, როგორც ახალი საკომუნიკაციო პლატფორმის მნიშვნელობა. ვიმედოვნებთ, რომ აღნიშნული კომფერენცია დადებითად აისახება ქვეყანაში სასტუმრო ბიზნესის განვითარებაზე და „პაშა ბანკი“ თავის წვლილს შეიტანს ამ პროცესში. Meeting Room-ის ფარგლებში „პაშა ბანკი“ მომავალშიც უმასპინძლებს კონფერენციებს სხვადასხვა თემატიკაზე“, განაცხადა „პაშა ბანკის“ კომერციულმა დირექტორმა და დირექტორტა საბჭოს წევრმა გიორგი ჯაფარიძემ.
შეგახსენებთ, რომ Meeting Room - ეს არის „პაშა ბანკის“ ახალი პროექტი, სხვადასხვა ინდუსტრიებზე ფოკუსირებული ბიზნეს კონფერენციების ციკლი, რომელიც თავს მოუყრის კონკრეტული ინდუსტრიებით დაინტერესებულ ადამიანებს და შექმნის ახალ საკომუნიკაციო სივრცეს გამოცდილების და იდეების გაზიარებისთვის.
