მოყვარულ მებაღეთა კლუბ "CONSOLIDA/სოსანის" პროექტებმა მეორე წელია . საზოგადოების ყურადღება მიიქცია. კონკურსი"საქართველო - ჩემი ბაღია" მოყვარულ ფლორისტთა მოტივაციის ამაღლებას და მათ შორის საუკეთესოთა გამოვლენას ემსახურება. კლუბი პროექტის პოპულარიზაციას ამჯერად ბათუმში, გასვლითი ღონისძიებით აპირებს. ღონისძიების მასპინძელი და ორგანიზატორია ბათუმის „ქალთა კლუბი“, რომელიც "სოსანთან" ერთობლივ ღონისძიებებს სწორედ ამ წარმატებული პროექტის პრეზენტაციით იწყებს.
21 მაისს "14:00 საათზე, ბათუმის ბულვარში მდებარე კაფე Gardens–ში შედგება როგორც "საქართველო - ჩემი ბაღიას“ , ასევე "სოსანის" მეორე და არანაკლებ პოპულარული აქციის "დაურგე დედამიწას ხე" მოტივაციისა და მიზნების გაცნობა მოწვეული საზოგადოებისთვის.
ღონისძიებას დაესწრებიან მოყვარული ფლორისტები, ბათუმის ბოტანიკური ბაღის და ქალაქგამწვანების სამსახურის ხელმძღვანელობა, „მწვანე ქალაქი“, კომპანია Ge-Flora, კომპანია Magnolia , „ევრო ეზო“, მედია და და საზოგადოების სხვა წარმომადგენები. ღონისძიების პარალელურად შესაძლებელი იქნება მსურველთა კლუბში გაწევრიანება.
კლუბ "სოსანისა" და ბათუმის "ქალთა კლუბის" ერთობლივი ღონისძიების მონაწილეები დაურგე დედამიწას ხე-ს ფარგლებში ახალ ნარგავებს ბათუმის ბულვარსაც შემატებენ.
