გასულ კვირას, საბერძნეთის ქალაქ სალონიკში, პროკრედიტ ჰოლდინგის ინიციატივით ბიზნეს ფორუმი მოეწყო, რომელშიც ბანკის გერმანელ დამფუძნებლებთან ერთად მონაწილეობას 13 ქვეყნის ფილიალისა და მათ მიერ დაფინანსებული მცირე და საშუალო ბიზნესების, ასევე, გერმანიის ბუნდესტაგისა და საბერძნეთის პარლამენტის წარმომადგენლები და ევროკომისარი დიმიტრი ავრამოპოლუსი იღებდნენ. აღნიშნულ შეხვედრაზე საქართველოდან 20-მდე ბიზნესის წარმომადგენელმა მიიღო მონაწილეობა. კლიენტებს საშუალება მიეცათ ეწარმოებინათ მოლაპარაკებები სასურველ ბიზნეს პარტნიორებთან და დაემყარებინათ ახალი, მნიშვნელოვანი ბიზნეს კონტაქტები. ქართველი ბიზნესმენებისათვისაც შეხვედრა საკმაოდ ნაყოფიერი აღმოჩნდა. პოტენციური ბიზნესპარტნიორების გაცნობა მათ მეზობელ სახელმწიფოებში საქმიანობის განვითარებაში დაეხმარება.
კონფერენცია პროკრედიტ ჰოლდინგის დირექტორმა ბორისლავ კოსტადინოვმა გახსნა, რომელმაც პროკრედიტ ბანკის პრიორიტეტებსა და იმ ღირებულებებზე ისაუბრა, რამაც გერმანული ბანკის საერთაშორისო წარმატება განაპირობა.
„პროკრედიტ ბანკში” შექმნილ მეგობრულ ბიზნეს გარემოზე ისაუბრა ევროპის საინვესტიოციო ფონდის (EIF) ხელმძღვანელმა პიერ ლუიჯი ჯილბერტმაც.
კონფერენციაზე სიტყვით გამოვიდა ევროკომისარი დიმიტრი ავრომოპულუსიც, რომელმაც მოგვიანებით პროკრედიტ ჰოლდინგის წარმომადგენლებთან და ევროპის საინვესტიციო ფონდის (EFI) ხელმძღვანელთან ერთად ხელი ერთობლივ ხელშეკრულებას მოაწერა. ხელშეკრულების თანახმად, საბერძნეთში ინოვაციური ბიზნესების დასაფინანსებლად გამოიყო 20 მილიონი ევრო. ეს კაპიტალი მხოლოდ საწყისი ნაწილია EIF-ის სამომავლო პროექტისა, რომლის განხორციელებასაც იგი აღმოსავლეთ ევროპაში, საქართველოსა და უკრაინაში გეგმავს.
მედიის წარმომადგენლებს შესალებლობა ჰქონდათ პროკრედიტ ბანკის ინოვაციურ მიდგომებში თავად დარწმუნებულიყვნენ. კონფერენციაზე სხვადასხვა ქვეყნიდან ჩამოსულმა ჟურნალისტებმა დაათვალიერეს ბანკის ფილიალში მოწყობილი თანამედროვე აპარატებით აღჭურვილი „სივრცე 24/7“, სადაც მომხარებელს კომფორტულ გარემოში, ნებისმიერ დროს სასურველი საბანკო მომსახურების მიღება შეუძლია. ანალოგიური სივრცე საქართველოშიც ცოტა ხნის წინ მოეწყო.
კონფერენციის დასრულების შემდეგ, სხვადასხვა ქვეყნიდან მოწვეულ 500-ზე მეტ სტუმარს, პროკრედიტ ჯგუფი სალონიკის სანაპიროზე, ღია რესტორანში გაუმასპინძლდა. საღამო 30 წუთიანი გრანდიოზული ფეიერვერკით დასრულდა.
