არაბთა გაერთიანებული საემიროების ბიზნეს წრეების წარმომადგენლები საქართველოდან ექსპორტის შესაძლებლობებით დაინტერესდნენ, შესაბამისად 12-13 მაისს დაიგეგმა დელეგაციის ვიზიტი საქართველოში, რომლის შემადგენლობაშიც იქნებიან დუბაის სავაჭრო-სამრეწველო პალატისა და სავაჭრო ქსელის BaqerMohebi წარმომადგნელები. ხსენებული სავაჭრო ქსელი საქმიანობას არაბთა გაერთიანებულ ემირატებში ახორციელებს და 35 საერთაშორისო ბრენდსა და 3000 მეტ სასაწყობო პუნქტს აერთიანებს. საქართველოს ასევე ესტუმრება არაბული კომპანია BarakatVeg. &FruitsCo. L.L.C, რომელიც ნატურალური წვენების ერთ-ერთი მსხვილი მწარმოებელი და ემირატებში ბოსტნეულის რეალიზატორია. დელეგაციის წევრი მესამე კომპანია კი EmiratesMacaroniFactory მაკარონის უმსხვილესი მწარმოებელია და წარმოდგენილია აზიის 20-მდე ქვეყნაში.
არაბულ მხარეს მეწარმეობის განვითარების სააგენტო უმასპინძლებს და გააცნობს ქართულპროდუქციას, კონკრეტულად მწვანილის, ბოსტნეულის, ხილის, წვენების, ლიმონათების, მინერალური წყლის და საკვები პროდუქტების ექსპორტზე გატანის შესაძლებლობებს.
ვიზიტის ფარგლებში, ასევე დაგეგმილია დელეგაციის წარმომადგენლების ქართულ საწარმოებში სტუმრობა და სამუშაო პროცესის გაცნობა. დღის წესრიგით აგრეთვე გათვალისწინებულია მეწარმეობის განვითარების სააგენტოსა და საქართველოს სოფლის მეურნეობის სამინისტროში სტუმრობა თანამშრომლობის დაგეგმვისა და არსებული პერსპექტივების განხილვის მიზნით.
ამასთანავე, მეწარმეობის განვითარების სააგენტოსა და დუბაის სავაჭრო-სამრეწველო პალატის ორგანიზებით, 13 მაისს, 16:30 საათზე, სასტუმროში TbilisiMarriot მრგვალი მაგიდის ფორმატში გაიმართება შეხვედრა, რომელსაც სხვადასხვა სექტორიდან 25 ქართული კომპანიის წარმომადგენელი დაესწრება და საკუთარ საქმიანობის გაცნობასთან ერთად არაბულ მხარესთან სამომავლო თანამშრომლობის გეგმებსაც დასახავს.
