თავდაცვის მინისტრის თანამდებობიდან გათავისუფლებისკენ მოუწოდებს თამაზ მეჭიაური საქართველოს პრემიერ-მინისტრს და აღნიშნავს, რომ თინა ხიდაშელმა დაკავებული თანამდებობა დროულად უნდა დატოვოს.
საფინანსო საბიუჯეტო კომიტეტის თავმჯდომარე მის მიმართ წაყენებულ ბრალდებებს უარყოფს და დაპირისპირებაში რესპუბლიკელებს ადანაშაულებს.
“პრემიერ-მინისტრს ვურჩიე, რომ თავდაცვის მინისტრი გადააყენოს, რადგან არაადეკვატურია და შეიძლება, შარში გაგვხვიოს. ელემენტარულად, თავდაცვის მინისტრს კომპიუტერულ თამაშებში მაინც უნდა ჰქონდეს მონაწილეობა მიღებული, რომელიმე ომში. ქალბატონს არ შეიძლება, თოფი დააჭერინო ან გადაწყვეტილების უფლება მისცე. სათამაშო არ არის ეს ქვეყანა, ხან ტანკი შემოიყვანოს, ხან გაიყვანოს. ასე არ ხდება, რომ დაატარებს რაღაცებს აქეთ-იქით. ქართული ოცნებაა, მაგრამ, ფაქტობრივად, მართავენ რესპუბლიკელები, მაგრამ არ გამოვა”, - განაცხადა მეჭიაურმა.
დატოვებს თუ არა მეჭიაური კოალიციას, როგორც განაცხადა ამის შესახებ, გადაწყვეტილებას, პირველ რიგში ივანიშვილს გააცნობს.
