საფრანგეთში ქართული ღვინისა და ღვინის კულტურის შესახებ პრეზენტაცია გაიმართა, რომელსაც საფრანგეთში აკრედიტებული დიპლომატიური კორპუსის წარმომადგენლები, საფრანგეთის აგრარული პალატის წევრები, სომელიეები, ენოლოგები, ღვინის ჟურნალისტები, ბლოგერები, UNESCO-ს და სხვა საერთაშორისო ორგანიზაციების წარმომადგენლები დაესწრნენ.
ღონისძიებაზე დამსწრე საზოგადოებას სიტყვით მიმართეს საფრანგეთში საქართველოს ელჩმა ეკატერინე სირაძე-დელონემ, OIV-ის გენერალურმა დირექტორმა ჟან-მარი ორანმა და ღვინის ეროვნული სააგენტოს თავმჯდომარემ გიორგი სამანიშვილმა.
ქართული ღვინის დეგუსტაციის პარალელურად OIV-ში ასევე გაიმართა ფოტო-გამოფენა ქართული ვაზისა და ღვინის ისტორიისა და კულტურის შესახებ - "მე-19 საუკუნის ფრანგულ ფოტოებში ასახული ქართული ღვინის კულტურა", სადაც წარმოდგენილი იყო საფრანგეთის მუზეუმში დაცული ფრანგი ეთნოგრაფების ჟოზეფ დე ბაისა და ჰუგო კრაფტის მიერ 1897-1903 წლებში გადაღებული ფოტოები.
ღონისძიების მიზანს წარმოადგენდა ქართული ღვინის წარდგენა პროფესიონალებისა და ფართო საზოგადოების წინაშე.
აღსანიშნავია, რომ ქართული ღვინის გამოფენა-დეგუსტაციაზე წარდგენილი იყო ქართულიღვინის მწარმოებელი 15 კომპანია.
