ამერიკული „სოლგარი“ საქართველოში ოფიციალურად შემოვიდა. სააფთიაქო ქსელ PSP-სა და ამერიკულ ფარმაინდუსტრიის გიგანტ „სოლგარს“ შორის თანამშრომლობის მემორანდუმი უკვე გაფორმდა, რომლის საფუძველზეც PSP „სოლგარის“ ექსკლუზიური პარტნიორი გახდა. აღნიშნული თანამშრომლობის საფუძველზე PSP-ს შესაძლებლობა აქვს მომხმარებელს ამერიკული საკვები დანამატები შესთავაზოს.
კომპანიებს შორის მემორანდუმი 5 მაისს სასტუმრო „ჰოლიდეი ინ“-ში გაფორმდა. მემორანდუმს ხელი „PSP ჯგუფის“ დირექტორმა გოჩა გოგილაშვილმა და ამერიკული ფარმაცევტულ მკომპანია „სოლგარის“ პრეზიდენტმა ჩენჩელ ჩადჰამ მოაწერეს.
„სოლგარის“ პრეზიდენტი ამბობს, რომ ბოლო პერიოდში საკვებ დანამატებზე მოთხოვნა მზარდია და ამ ფონზე ბაზრის გაფართოება კომპანიისათვის მნიშვნერლოვანია.
„ბოლო პერიოდში მკვეთრად შეიცვალა საკვების ხარისხი და ჯანმრთელობის შესანარჩუნებლად უფრო მეტ ადამიანს ესაჭიროება საკვები დანამატები თუ ვიტამინები. ჩვენთვის მნიშვნელოვანია, რომ საშუალება მოგვეცა ვითანამშრომლოთ საქართველოს წამყვან სააფთიაქო ქსელთან და ქართველ მომხმარებელსაც შევთავაზოთ საუკეთესო ხარისხის პროდუქტები. PSP საქართველოში ლიდერია, ჩვენ კი მსოფლიოს მასშტაბით წარმატებულები ვართ საკვები დანამატებით წარმოებაში. მოხარული ვართ, რომ PSP სახით სანდო და საიმედო პარტნიორი შევიძინეთ,“ - განაცხადა ჩენჩელ ჩადჰამ „სოლგარის“ პრეზიდენტმა.
„PSP ჯგუფის“ დირექტორმა გოჩა გოგილაშვილი განმარტავს, რომ „სოლგარის“ პროდუქცია, რომელიც ექსკლუზიურად მხოლოდ PSP-ს ქსელში გაიყიდება და მისი ღირებულება მსოფლიოს რიგი ქვეყნებისგან განსხვავებით საკმაოდ დაბალი იქნება, რათა საქართველოს მოსახლეობამ მისი შეძენა მოახერხოს.
„დაარსების დღიდან PSP ორიენტირებულია ხარისხიანი პრეპარატების შემოტანაზე. ამიერიდან PSP-ს პროდუქციის ჩამონათვალს შეემატება საკმაოდ ხარისხიანი, ნომერ პირველი ფრენდის „სოლგარის“ პროდუქცია, რომელიც PSP-ს ქსელში მთელი საქართველოს მასშტაბით იქნება ხელმისაწვდომი და იზრუნებს ჩვენი მომხმარებლების ჯანმრთელობაზე.
მინდა გითხრათ, რომ PSP არის კომპანია, რომელიც ზრუნავს ადამიანების ჯანმრთელობაზე, ასევე მათი ჯანმრთელობის პრევენციაზეც. „სოლგარის“ მიერ წარმოებული საკვები დანამატები და მინერალები, რომელიც PSP-ს სააფთიაქო ქსელში გაიყიდება სწორედ ჯანმრთელობის პრევენციას ემსახურება. მოვუწოდებ მოსახლეობას, რომ დღევანდელ პირობებში გარემოს დაბინძურება არის გაძლიერებული მოიხმარონ „სოლგარის“ პროდუქცია, რათა მოხდეს მათი ჯანმრთელობის შენარჩუნება“, აცხადებს „PSP ჯგუფის“ დირექტორი.
PSP-ში ამბობენ, რომ „სოლგარის“ პროდუქციას მისი მსგავსი საკვები დანამატებისგან გამოარჩევს უპირველეს ყოვლისა მისი ხარისხი, რადგანაც ის მხოლოდ ნატურალურ კომპონენტებს შეიცავს.
აღსანიშნავია, რომ „სოლგარი“ ცნობილი ამერიკული ბრენდია, რომელიც 1947 წელს დაფუძნდა. ბრენდის მთავარი ოფისი აშშ-ში ნიუ ჯერსიში მდებარეობს. ბრენდი მსოფლიო მასშტაბით ლიდერია საკვები დანამატების წარმოებასა და რეალიზაციაში. სოლგარი მსოფლიოს მასშტაბით 50-მდე ქვეყანაში მუშაობს. სხვადასხვა დროს „სოლგარი“ ბრიტანეთის საუკეთესო ვიტამინებისა და მინერალების მწარმოებელ საერთაშორისო კომპანიად დასახელდა. ბრენდს მიღებული აქვს ამერიკის საუკეთესო ვიტამინებისა და საკვები დანამატების მწარმოებლის ჯილდო.
