აჭარის ტურიზმისა და კურორტების დეპარტამენტის მიერ მინსკში გამართულ „აჭარის დღე“-ს  ბელარუსულ მედია სივრცეში დიდი გამოხმაურება მოყვა. აჭარის ტურისტული პოტენციალისა და მინსკში დეპარტამენტის მიერ განხორციელებული პიარ კამპანიების შესახებ რადიოში, ტელევიზიაში, ბეჭდურ და ონლაინ მედია საშუალებებში გამოქვეყნებული სტატიების, ბლოგებისა და ტელე-რადიო სიუჟეტების საერთო წვდომამ 7 685 000 მიაღწია.  დეპარტამენტის მიერ “აჭარის დღეზე” წარმოდგენილი ფოლკლორის, სამზარეულოს, ღვინოსა და რეგიონის ტურისტული პოტენციალს 30-მდე ვრცელი სტატია და ტელე-რადიო სიუჟეტი მიუძღვნეს ჟურნალისტებმა, რომლებიც რეგიონისადმი მიძღვნილ საღამოს ესწრებოდნენ.

https://www.youtube.com/watch?v=lmaJs0LE1Uc

http://www.holiday.by/blog/33989

აჭარის დღეებს გამოხმაურება მოჰყვა ადგილობრივ ტელევიზიაშიც. ტურიზმის დეპარტამენტის თავმჯდომარის პირველი მოადგილე სოფიკო ლაზიშვილი და ფოლკლორული გუნდი „ათძალი“ მიწვეულები იყვნენ  ბელარუსში ერთ-ერთ ყველაზე რეიტინგული ტელეარხის „ბელარუს 1“-ის დილის გადაცემაში „დილა მშვიდობისა ბელარუსია“, სადაც აჭარის დღის, გამოფენის, დეპარტამენტის მიერ ბელარუსში დაგეგმილი პიარ კამპანიებისა და რეგიონის ტურისტული პოტენციალის შესახებ ისაუბრეს. ხელვაჩაურის გუნდმა კი პირდაპირ ეთერში შეასრულა ბელარუსული ხალხური სიმღერა „კუპალენკა“ და მრავალჟამიერი.

აჭარის ტურიზმის დეპარტამენტმა აჭარის დღეს მინკში წელს პირველად უმასპინძლა. საღამოზე, რომელსაც მედიის, ტურისტული სააგენტოებისა და დიპლომატიური კორპუსის 100-მდე წარმომადგენელი ესწრებოდა პოპულარიზაცია გაეწია საქართველოს მდიდარ არამატერილურ კულტურულ მემკვიდრეობას, სამზარეულოს, ღვინოსა და აჭარის ტურისტულ პოტენციალს. რეგიონისადმი მიძღვნილი საღამოსა და აჭარის შესახებ ბელარუსულ მედიაში რამდენიმე კვირის განმავლობაში წერდნენ.

http://dt.by/2016/04/11/dni-batumi-v-belarusi-proshli-v-minske-s-pesnyami-tancami-i-xachapuri/

http://telegraf.by/2016/04/8/318586-tanci-pesni-kuhnya-i-vino-v-minske-vpervie-proshli-dni-batumi

http://mamuli.by/krome-chernogo-morya-u-nas-est-eshhe-more-emotsiy/

http://naviny.by/rubrics/tourism/2016/04/07/ic_news_126_473139/