ქუთასის საერთაშორისო აეროპორტის მომსახურებით იანვარ-მარტში 14 %-ით მეტმა მგზავრმა ისარგებლა. სამოქალაქო ავიაციის სააგენტოს ინფორმაციით, 2016 წლის იანვარ-მარტში აეროპორტის მომსახურებით 37 ათას 711 მგზავრმა ისარგებლა, ეს იმ ფონზე როდესაც 2015 წლის იანვარ-მარტის მაჩვენებელი 32 ათას 966 მგზავრი იყო.
სტატისტიკური ინფორმაციის მიხედვით, 2016 წლის სამ თვეში ქუთაისის დავით აღმაშენებლის საერთაშორისო აეროპორტი 27 %-ით ნაკლებ მგზავრს მოემსახურა, ვიდრე 2014 წლის სამ თვეში. სამოქალაქო ავიაციის სააგენტოს მონაცემებით, ქუთაისის საერთაშორისო აეროპორტის მომსახურებით 2014 წლის სამ თვეში 51,453 მგზავრმა ისარგებლა.
აღსანიშნავია, რომ 2016 წლის იანვარ-მარტში საქართველოს აეროპორტებით 19.38%-ით მეტმა მგზავრმა ისარგებლა. 2016 წლის პირველ კვარტალში, რეგულარული და არარეგულარული რეისებით, საქართველოს აეროპორტები 432 ათას 949 მგზავრს მოემსახურა.
