მესტიის თამარ მეფის სახელობის აეროპორტს მგზავრთნაკადი 26 %-ით გაეზარდა. სამოქალაქო ავიაციის სააგენტოს მონაცემებით, მესტიის თამარ მეფის სახელობის აეროპორტი 2016 წლის პირველ კვარტალში 25.92%-ით მეტ მგზავრს მოემსახურა ვიდრე 2015 წლის პირველ კვარტალში. სტატისტიკური ინფორმაციის მიხედვით, 2015 წლის პირველ კვარტალში აეროპორტმა 544 მგზავრი მიიღო, 2016 წლის პირველ კვარტალში კი - 685 მგზავრი.
სტატისტიკური ინფორმაციის მიხედვით, 2014 წლის იანვარ-მარტში მესტიის აეროპორტის მომსახურებით 212 მგზავრმა ისარგებლა, შესაბამისად 2014 წლის იანვარ-მარტთან შედარებით წლევანდელი მონაცემები 223 %-ითაა გაზრდილი.
აღსანიშნავია, რომ 2016 წლის იანვარ-მარტში საქართველოს აეროპორტებით 19.38%-ით მეტმა მგზავრმა ისარგებლა. 2016 წლის პირველ კვარტალში, რეგულარული და არარეგულარული რეისებით, საქართველოს აეროპორტები 432 ათას 949 მგზავრს მოემსახურა.
