ადგილობრივი თვითმმართველობის წარმომადგენლობითი ორგანოს - საკრებულოს შუალედურ არჩევნებზე „ქართულმა ოცნებამ“ კანდიდატების წარდგენა უკვე დაიწყო. მაჟორიტარი დეპუტატობის კანდიდატი მეტეხის ადმინისტრაციული ერთეულის მოსახლეობას პარტია „ქართული ოცნება - დემოკრატიული საქართველოს“ გენერალურმა მდივანმა კახა კალაძემ და აღმასრულებელმა მდივანმა ირაკლი კობახიძემ წარუდგინეს. კასპის მუნიციპალიტეტის მეტეხის ადმინისტრაციულ ერთეულში, 2016 წლის 22 მაისს დანიშნულ შუალედურ არჩევნებში „ქართული ოცნების“ საკრებულოს მაჟორიტარი დეპუტატობის კანდიდატი ალექსანდრე მერებაშვილი იქნება.
ალექსანდრე მერებაშვილი დაიბადა 1978 წელს სოფელ მეტეხში. ის წლების განმავლობაში მუშაობდა სხვადასხვა კერძო კომპანიებში.2012-2013 წლებში ალექსანდრე მერებაშვილი იყო კასპის მუნიციპალიტეტის მეტეხის ადმინისტრაციულ ერთეულში გამგებლის წარმომადგენელი. 2013 წელს, კვლავ კერძო სექტორს დაუბრუნდა.
