დღეს, საქართველოს ფინანსთა მინისტრმა, ნოდარ ხადურმა და გერმანიის ფედერაციული რესპუბლიკის ელჩმა საქართველოში, ქალბატონმა ბეტინა კადენბახმა ხელი მოაწერეს შეთანხმებას საქართველოს მთავრობასა და გერმანიის ფედერაციული რესპუბლიკის მთავრობას შორის ფინანსური თანამშრომლობის შესახებ.
აღნიშნული დოკუმენტი წარმოადგენს ჩარჩო შეთანხმებას, რომელიც ითვალისწინებს საქართველოსთვის 140 მლნ ევროს ოდენობის ფინანსურ მხარდაჭერას შემდეგი პროექტების დასაფინანსებლად:
Ø საფინანსო სექტორის მხარდაჭერა საქართველოში;
Ø ნარჩენების კლიმატისთვის უსაფრთხო მართვა II;
Ø ელექტროგადამცემი ქსელის გაფართოების ღია პროგრამა II;
Ø აჭარის სოფლების წყლით მომარაგება და კანალიზაციის სისტემების მოწყობა.
ფინანსთა მინისტრმა, ნოდარ ხადურმა გერმანიის ფედერაციული რესპუბლიკის ელჩს მადლობა გადაუხადა იმ მხარდაჭერისთვის, რომელსაც გერმანიის მთავრობა უწევს ჩვენს ქვეყანას მნიშვნელოვანი პროექტების დაფინანსების, ასევე ევროპასთან ურთიერთობების გაღრმავების მიმართულებით.
ხელმოწერის ცერემონიალს დაესწრო გერმანიის რეკონსტრუქციის საკრედიტო ბანკის (KfW) თბილისის ოფისის დირექტორი ლარს ოერმანი.
