„სილქნეტი“ კვირიკეს, გონიოს, კვარიათს, ავგიას მაღალსიჩქარიან 4G LTE ინტერნეტს მიაწვდის. აღნიშნული ტექნოლოგიის ინტერნეტით მომხმარებელს შესაძლებლობა აქვს თვალი ადევნოს უამრავ ვებ-გვერდს, უყუროს ფილმებს, ისარგებლოს ელ-ფოსტით, Skype-ით, Facebook-ით და სხვა სოციალური ქსელებით, ატვირთოს/ჩამოტვირთოს ფოტოები.
„სილქნეტის“ 4G LTE სახლის უკაბელო ინტერნეტია, რომლიც ინსტალაციას არ საჭიროებს და მისი მხოლოდ დენის წყაროზე მიერთებაა საჭირო.
პაკეტის არჩევის გასაადვილებლად, "სილქნეტის" ვებ-გვერდზე შექმნილია 4G LTE ინტერნეტ კალკულატორი, რაც ეხმარება აბონენტს გამოთვალოს სავარაუდო ინტერნეტ ტრაფიკი.
აღსანიშნავია, რომ აჭარაში მეოთხე თაობის ინტერნეტით უკვე სარგებლობს ახალმშენის, კახაბერის დასახლების, ჩაქვის, მახინჯაურის, ბობოყვათის, ხელვაჩაურის, ციხისძირის მოსახლეობა.
სულ ახლახანს „სილქნეტის“ 4G LTE სერვისს ახალი ფუნქცია დაემატა - ამავე მოდემზე სატელეფონო კავშირის გააქტიურება გახდა შესაძლებელი. ქალაქის ნომრის შერჩევა მიმდინარეობს სერვის ცენტრში ვიზიტით, ან ცხელი ხაზის 2 100 100 საშუალებით.
Silver ან Platinum პაკეტის მომხმარებელი სატელეფონო სერვისზე სააბონენტო მომსახურების საფასურს არ იხდის და უფასოდ საუბრობს საქართველოს მასშტაბით „სილქნეტის“ ყველაზე დიდ ქსელში - თბილისსა და რეგიონებში.
ამჟამად, თბილისის 25 ზონის გარდა, „სილქნეტის“ 4G LTE უახლესი ტექნოლოგიის სწრაფი ინტერნეტით სარგებლობს: მცხეთა-მთიანეთის, აჭარის, სამეგრელოს, კახეთის, სამცხე-ჯავახეთის, იმერეთის, შიდა-ქართლის, ქვემო ქართლის 60-ზე მეტი სოფელი.
ეს ტექნოლოგია საშუალებას აძლევს კომპანიას, უმოკლეს ვადაში, გაზარდოს რეგიონებსა და ქალაქებში მოსახლეობის წვდომა მაღალსიჩქარიან ინტერნეტთან.
