საქართველოსთვის სავიზო რეჟიმის გაუქმების საკითხის ირგვლივ ევროპის სახალხო პარტია შესაძლოა, ერთსულოვანი არ იყოს, -ამის შესახებ, ,თავისუფალი დემოკრატების“ ერთ-ერთმა ლიდერიმა ირაკლი ჩიქოვანმა ჟურნალისტებტან განაცხადა. მისი თქმით, სახალხო პარტიის პირდაპირი პარტნიორი ,,ნაციონალური მოძრაობაა“ და მათ ამაში მონაწილეობა მიიღონ.
,,ძალიან მნიშვნელოვანია, რომ ამ საკითხმა დაბრკოლებების გარეშე ჩაიაროს. უმნიშვნელოვანესია ისიც, რომ ყველა პოლიტიკურმა პარტიამ რომელიც საქართველოს პარლამენტშია წარმოდგენილი და მის გარეთ, იმუშაონ თავიანთ ევროპელ პარტნიორებთან და უზრუნველყონ მათი მხარდაჭერა ევროპარლამენტში . თუმცა არსებობს გარკვეული წინაპირობაც, რომ შესაძლოა EPP, რომელიც პირდაპირი პარტნიორი გახლავთ ,,ნაციონალური მოძრაობის“, არ იყოს ერთსულოვანი ამ საკითხთან დაკავშირებით და ამაში გაკვეული მონაწილეობა ჰქონდეს ,,ნაციონალურ მოძრაობასაც“ მიღებული“, - განაცხადა ირაკლი ჩიქოვანმა.
ევროპარლამენტის სამოქალაქო თავისუფლებების, სამართლისა და შინაგან საქმეთა კომიტეტის წევრები საქართველოსთვის სავიზო რეჟიმის გაუქმების საკითხს 20-21 აპრილს განიხილავენ. ამის შესახებ ნათქვამია კომიტეტის სამუშაო დღის წერსიგში, რომელიც ევროპარლამენტის ოფიციალურ ვებგვერდზეა გამოქვეყნებული.
საკანონმდებლო ინიციატივა ევროკომისიის მიერაა წარდგენილი. საკანონმდებლო ინიციატივა ითვალისწინებს საქართველოს გადაყვანას იმ ქვეყნების ჯგუფიდან, რომლის მოქალაქეებსაც ევროკავშირის გარე საზღვრის გადასაკვეთად ვიზა სჭირდებათ, იმ სახელმწიფოთა ჯგუფში, რომლის მოქალაქეებიც უვიზო რეჟიმით სარგებლობენ.
სამოქალაქო თავისუფლებების,სამართლისა და შინაგან საქმეთა კომიტეტის მიერ დამტკიცების შემდეგ საკანონმდელო ინიციატივას ევროპარლამენტის პლენარულ სხდომაზე განიხილავენ. ევროპარლამენტის დამტკიცების შემთხვევაში კი მას ევროკავშირის საბჭოს წევრებმა უნდა დაუჭირონ მხარი.
