15 აპრილს, თბილისში, სასტუმრო „რედისონში," 09.15 საათზე, საერთაშორისო საავტომობილო ტრანსპორტის კავშირისა (IRU) და საქართველოს ეკონომიკისა დამდგრადი განვითარების სამინისტროს სსიპ „სახმელეთო ტრანსპორტის სააგენტოს" ერთობლივი ორგანიზებით გაიმართება საერთაშორისო კონფერენცია თემაზე: „კარიერული პერსპექტივები საერთაშორისო ტრანსპორტის ინდუსტრიაში".
ღონისძიებას გახსნის ეკონომიკისა და მდგრადი განვითარების მინისტრის მოადგილე დავით ხუციშვილი.
კონფერენციაზე განხილული იქნება ტრანსპორტის სფეროს მნიშვნელოვანი თემები, მათ შორის საავტომობილო ტრანსპორტის მომავალი, სატრანსპორტო კომპანიებში კარიერული ზრდის პერსპექტივები, სატრანსპორტო კომპანიებში თანამშრომლების შერჩევა პროფესიონალური გამოსადეგობის კრიტერიუმების მიხედვით, მძღოლთა შერჩევისა და შენარჩუნების სტრატეგიის ოპტიმიზაცია, გავლენისა და უპირატესობების შესწავლა, მძღოლთა ფსიქოლოგია - სწავლების ახალი მეთოდები და ა.შ.
კონფერენციას 30 ქვეყნის ტრანსპორტისა და ლოგისტიკის ბიზნესის 140-ზე მეტი წარმომადგენელი დაესწრება.
