აჭარის მთავრობამ კომპანია "საქართველოს" ნასყიდობის ხელშეკრულების საფუძველზე დარიცხული ჯარიმა და პირგასამტეხლო აპატია. კომპანიას 2012 წლის თებერვალში პირდაპირი მიყიდვის ფორმით ქობულეთში დ. აღმაშენებლის გამზ. #271-ში მდებარე 8 729 კვ/მ და თამარ მეფის ქ. #146-ში მდებარე 6 771 კვ/მ არასასოფლო-სამეურნეო დანიშნულების მიწის ნაკვეთი გადაეცა, რაშიც  421 ათასი  ლარი უნდა გადაეხადა. მყიდველი ვალდებული იყო, ნასყიდობის ფასი ხელშეკრულების გაფორმებიდან 2  წლის ვადაში წინასწარ გაწერილი გრაფიკით კვარტლურად გადაეხადა. თუმც კომპანიის მხრიდან ხელშეკრულების ეს მუხლი დაირღვა.

„საქართველო“ ვალდებული იყო ასევე 2014 წლის პირველი ნახევრისთვის ექსპლუატაციაში შეეყვანა დასასვენებელი კომპლექსი, სადაც არანაკლებ 16 ვილა, რესტორანი და მინიმუმ 160 კაცზე გათვლილი  ბარი, გასართობი ცენტრი, საცურაო აუზები, სპორტული მოედნები (საჩოგბურთო მოედანი, შერეული სპორტული მოედანი, მინი გოლფის მოედანი და საბავშვო სპორტული მოედანი), პარკინგი და კომერციული სივრცე (პიცის, ბურგერის, ზღვის პროდუქტების, ქართული ქუჩა და სხვ.) განთავსდებოდა.

ინვესტორმა ვერ მოახერხა ასევე სახელშეკრულებლო პირობების შესრულება ინფრასტრუქტირის მშენებლობის ნაწილშიც.

როგორც ირკვერვა ქონების ნასყიდობის ფასის დაგვიანებით გადახდის გამო კომპანიას ერიცხება ჯარიმა - 78 654,8 ლარი და ასევე 2016 წლის 8 აპრილის მდგომარეობით ხელშეკრულებით გათვალისწინებული ვალდებულებების შეუსრულებლობისათვის  ჯარიმა1 031 675,40 ლარის ოდენობით. ჯამში „საქართველოზე“ დარიცხული ჯარიმა შეადგენს 1 110 330,20 ლარს.

საბოლოოდ ინვესტორსა და მთავრობას შორის წარმოებული მოლაპარაკებების მიხედვით გადაწყდა, რომ ნასყიდობის ხელშეკრულებაში შვიდეს ცვლილება და ინვესტორმა 24 თვის ვადაში დამატებით გადაიხადოს ქონების ღირებულება 420 495 ლარი, ყოველთვიურად თანაბარწილად 17 520,63 ლარის ოდენობით.

იმავდროულად ნასყიდობის ხელშეკრულებით განსაზღვრულ მიწის ნაკვეთებზე უკვე განხორციელებული სამუშაოების გარდა დამატებით, უნდა განათავსოს თანამედროვე სტანდარტების შესაბამისად არანაკლებ 230 კვმ ფართის საცურაო აუზი და განახორციელოს 100 000 ლარის ინვესტიცია;