საქართველოს ტურისტული პოტენციალის წარმოჩენის მიზნით, საქართველოს საელჩომ მონაწილეობა მიიღო ტურისტულ გამოფენაში „Irish Travel Industry Trade Show",რომელიც საგანგებოდ ირლანდიური ტურისტული სააგენტოებისა და ტურიზმის ინდუსტრიაში მოქმედი კომპანიებისთვის გაიმართა.
ღონისძიება ირლანდიის ტურისტული სააგენტოების ასოციაციის (ITAA) ორგანიზებით ჩატარდა. საგამოფენო დარბაზში წარმოდგენილი იყო ტურიზმის ინდუსტრიაშიჩართული 100-ზე მეტი კომპანია მთელი მსოფლიოდან, მათ შორის წამყვანი ავია და საკრუიზო კომპანიები, ტურ-ოპერატორები, სასტუმროები და დასასვენებელიკომპლექსები. აღსანიშნავია, რომ ღონისძიებაში მონაწილება მიიღო ასევე ქართულმა ტურისტულმა კომპანიამ „Caucasus Travel".
საქართველოსათვის გამოყოფილ სტენდზე წარმოდგენილი იყო ქვეყნის ტურისტული ღირსშესანიშნაობებისა და თანამედროვე ინფრასტრუქტურის ამსახველი მასალები,საინფორმაციო ჟურნალები და თემატური ბროშურები.
„ირლანდიაში საქართველოს ტურისტული პოტენციალის წარმოჩენა და ირლანდიელი ტურისტების მოზიდვა ჩვენს ერთ-ერთ პრიორიტეტს წარმოადგენს. აქტიურად ვართ ჩართული ირლანდიაში გამართულ ტურისტულ გამოფენებსა და ღონისძიებებში, ასევე, 5 აპრილს, საელჩოში ვუმასპინძლეთ პრეზენტაციას "Welcome to Georgia", რომლის მიზანს ირლანდიური ტურისტული კომპანიებისათვის საქართველოს შესახებ ინფორმაციის მიწოდება და მათი საქართველოსთან თანამშრომლობით დაინტერესება წარმოადგენდა. ვიმედოვნებთ, რომ ჩვენი ძალისხმევა ნაყოფიერი იქნება და ახლო მომავალში მნიშვნელოვნად გაიზრდება საქართველოში ირლანდიელი ტურისტების რაოდენობა" _ განაცხადა ირლანდიაში საქართველოს საქმეთა დროებითმა რწმუნებულმა გიორგი ზურაბაშვილმა.
