საპარლამენტო ფრაქცია ,,ქართული ოცნება - რესპუბლიკელებმა“ პარლამენტის ბიუროს დღეს სახელის შეცვლის შესახებ გადაწყვეტილება შეატყობინეს. ამიერიდან ფრაქციას ,,რესპუბლიკელები“ ერქმევა.
„პარლამენტში ფრაქცია რესპუბლიკელები იფუნქციონირებს ამ სახელით და ოპონირების რეჟიმში. ჩვენი განცხადების შესაბამისად დღეს დავიწყეთ პროცედურები ფრაქციის სახელწოდების შეცვლის შესახებ,“ - განაცხადა დავით ბერძენიშვილი.
ვიცე-სპიკერი მანანა კობახიძე იმედოვნებს, რომ ,,რესპუბლიკელები" ამ ეტაპზე მხოლოდ სახელის შეცვლაზე საუბრობენ და არა ოპოზიციაში გადასვლაზე.
ფრაქციის სახელწოდების შეცვლის გადაწყვეტილება მიიღო ,,ეროვნულმა ფორუმმაც“.
