საქართველოს ენერგეტიკის მინისტრის მოადგილის ინფორმაციით, შაჰ-დენიზის გაზსადენზე შეფერხების გამო, საქართველო ამ დროისთვის ბუნებრივ აირის რუსეთიდან იღებს. მარიამ ვალიშვილის განცხადებით, ასე იყო შარშან ზაფხულში, როდესაც აფეთქების გამო სამხრეთ კავკასიურ მილსადენზე იყო გარკვეული პრობლემები.
,,შაჰ-დენიზი რთული გეოლოგიური პირობების მქონე საბადოა, არის ხოლმე შეფარხებები. შეფერხების შესახებ შეტყობინება მივიღეთ. შესაბამისად, ბუნებრივ აირს ვიღებთ ალტერნატიული წყაროებიდან, რაც გვაქვს - ყაზახის მილსადენი და რუსეთიდან შემომავალი მილსადენი. ეს არის სუფთა ოპერატიული მართვის თემა. თუ რაღაც შეფერხებაა ერთ წყაროზე, დეფიციტს ვავსებთ ალტერნატიული წყაროებით, რათა შენარჩუნებული იყოს უწყვეტი გაზმომარაგება და ეს არ იგრძნოს არც ერთმა მომხმარებელმა“,-აღნიშნა მარიამ ვალიშვილმა.
მისივე განცხადებით, გაზპრომთან მოლაპარალებები დასრულდა და ძალაში რჩება ძველი პირობები - საქართველოს სომხეთში ბუნებრივი აირის ტრანზიტის სანაცვლოდ გაზის 10% რჩება.
