საქართველოს ფინანსთა მინისტრმა ნოდარ ხადურმა და კორეის რესპუბლიკის ვიცე პრემიერ-მინისტრმა, სტრატეგიისა და ფინანსთა მინისტრმა, იუ ილ ჰომ (YOO IL HO) ხელი მოაწერეს საქართველოს მთავრობასა და კორეის რესპუბლიკის მთავრობას შორის "შემოსავლებზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ" შეთანხმებას.
ფინანსთა სამინისტროს ინფორმაციით, მხარეებმა ისაუბრეს ეკონომიკური თანამშრომლობისა და ინვესტიციების მოზიდვის შესაძლებლობებზე.
შეხვედრას ესწრებოდა საქართველოს ელჩი კორეის რესპუბლიკაში ნიკოლოზ აფხაზავა.
