ბათუმის საბავშვო ბაღებში საკვები პროდუქტები ლაბორატორიულად შემოწმდა. როგორც ბათუმის მერიაში აცხადებენ, ბათუმის საბავშვო ბაღების გაერთიანებამ საკვებ პროდუქტებზე კვარტალური კვლევები ჩაატარა.
საკვები პროდუქტები საქართველოს აჭარის ავტონომიური რესპუბლიკის სოფლის მეურნეობის სამინისტროს აკრედიტებული „ლაბორატორიული კვლევითი ცენტრის“ მიერ გადამოწმდა.
შემოწმების შედეგად დარღვევები არ აღმოჩენილა და ყველა საკვები პროდუქტი შეესაბამება სატენდერო დოკუმენტაციით გათვალისწინებულ პირობებს.
საბავშვო ბაღებში ნიმუშები აიღეს შემდეგ პროდუქტებზე: საქონლის ხორცი (ფილე ახალი გაუყინავი), ქათამი (ახალი გაუყინავი), თევზი; რძის პროდუქტები - არაჟანი, მაწონი, კარაქი, სულგუნი, რძე, ხაჭო; პურპროდუქტები - პური, ფუნთუშა, ნამცხვარი.
