22 მარტს 12:00 საათზე სასტუმრო Holiday Inn Tbilisi-ში გაიმართება პრესკონფერენცია, საქართველოს რაგბის კავშირსა და აუდიტორულ კომპანია BDO-ს შორის გაფორმებულ შეთანხმებასთან დაკავშირებით.
შეთანხმების მიხედვით აუდიტორული კომპანია BDO საქართველოს რაგბის კავშირს გაუწევს სერვისს - ფინანსური ანგარიშგების აუდიტს, მომდევნო 5 წლის განმავლობაში, სანაცვლოდ კი BDO ისარგებლებს საქართველოს რაგბის კავშირის სპონსორის სტატუსით.
პრესკონფერენციას დასწრებიან საქართველოს რაგბის კავშირის პრეზიდენტი გოჩა სვანიძე და აუდიტორული კომპანია BDO-ს მმართველი პარტნიორი ზურაბ ლალაზაშვილი.
შეგახსენებთ, რომ რაგბის კავშირის ახალი პრეზიდენტის არჩევას წინ დაძაბული ფონი უძღოდა. ხელისუფლებას ქონდა ზეწოლა კავშირზე ტავისი სასურველი კანდიდატის ასარჩევად, რამაც განაპირობა გია ნიჯარაძის მიერ პრეზიდენტის თანამდებობაზე კენჭისყრაზე უარის თქმა.
