აჭარაში, 2015 წელს კომერციული ბანკების მიერ გაცემული სესხების მოცულობამ, ერთ სულ მოსახლეზე 3 450 ლარი შეადგინა. აჭარის ფინანსთა და ეკონომიკის სამინისტროს ინფორმაციით, 2014 წელს აღნიშნული მაჩვენებელი 2 528 ლარს შეადგენდა, 2013 წელს კი - 1 805 ლარს.
აღნიშნული მონაცემები კი რაც თავის მხრივ კომერციული ბანკების მიერ დაკრედიტების ზრდითაა განპირობებული.
„კომერციული ბანკების მიერ 2015 წელს გაცემულმა სესხებმა რეგიონის მოსახლეობის ერთ სულზე შეადგინა 3 450 ლარი. აჭარის რეგიონში გაცემულ სესხებზე (ნაშთების მიხედვით) მოდის ქვეყნის საბანკო სექტორის ჯამური სასესხო პორტფელის 7.9%. ამასთან, რეგიონის დონეზე, მოქმედი კომერციული ბანკების მიერ გაცემული სესხების დოლარიზაციის მაჩვენებელმა შეადგინა 55.8%-ს, ხოლო დეპოზიტების დოლარიზაციის მაჩვენებელმა - 63.4%“, აცხადებენ აჭარის ფინანსთა და ეკონომიკის სამინისტროში.
შეგახსენებთ, რომ 2015 წელს აჭარაში მოქმედი კომერციული ბანკების მიერ 1 161 098.0 ათასი ლარის ოდენობის სესხი გაიცა. 2015 წელს რეგიონში გაცემული სესხების 71%-ი გრძელვადიან სესხს წარმოადგენს.
