სრულიად საქართველოს კათოლიკოს-პატრიარქმა, უწმინდესმა და უნეტარესმა, ილია მეორემ მრევლს თავშესაფრის შესაძენად ფულის შეგროვებისკენ მოუწოდა. დღევანდელ საკვირაო ქადაგებაზე მან განაცხადა, რომ ყოველი ადამიანი უნდა ეძებდეს გაჭირვებულ ადამიანს.
,,ჩვენი შვილები უნდა გავზრდოთ მოწყალების სულისკვეთებით. მე მაქვს სურვილი, რომ ჩვენმა მრევლმა ვიყიდოთ სახლი და ეს სახლი გაჭირვებული ადამიანებისთვის მოვაწყოთ თავშესაფრად. განსაკუთრებული ყურადღება უნდა მივაქციოთ ჩვენს ინტელიგენციას, ჩვენს მწერლებს, მხატვრებს, ხელოვნების მუშაკებს, რომელთაც არ შეუძლიათ თხოვნა და არ შეუძლიათ ვაჭრობა. მათ უნდა დავეხმაროთ და უნდა ჰქონდეთ საშუალება, რომ გამოვიდნენ სტრესისგან. თქვენ ყველას გევალებათ, შევაგროვოთ ფული, ვიყიდოთ ასეთი სახლი, სადაც მივიღებთ გაჭირვებულ ადამიანებს", - მიმართა მრევლს პატრიარქმა.
მისივე თქმით, დახმარების გამცემი უფრო ხარობს, ვიდრე მიმღები.
