იუსტიციის მინისტრმა თეა წულუკიანმა დღეს საქართველოს ეროვნულ არქივში საქართველოს პირველი რესპუბლიკის მთავრობის თავმჯდომარის, ნოე ჟორდანიას, შვილიშვილ ირენ ციციშვილს უმასპინძლა.
სტუმარი ინტერესით გაეცნო ეროვნულ არქივში მიმდინარე საგანმანათლებლო პროექტს, რომლის მიზანია პირველი რესპუბლიკის ისტორიის შესახებ საარქივო მასალის სკოლის მოსწავლეთათვის გაცნობა და ქართული სახელმწიფოებრიობის ისტორიის ამ გამორჩეული პერიოდით მათი დაინტერესება.
ირენ ციციშვილმა დაათვალიერა საქართველოს ეროვნულ არქივში დაცული 1918-1921 წლების ამსახველი მრავალფეროვანი დოკუმენტები.
