ნატო-ს ვარშავის სამიტზე თურქეთი საქართველოს ალიანსში გაწევრიანების საკითხს დააყენებს, - ამის შესახებ თურქეთის საგარეო საქმეთა მინისტრმა, მევლუთ ჩავუშოღლუმ ქართველ კოლეგასთან, მიხეილ ჯანელიძესთან ერთად გამართულ პრესკონფერენციაზე განაცხადა.
ამასთან, როგორც თურქმა დიპლომატმა აღნიშნა, 19 თებერვალს თბილისში გაიმართება საქართველოს, თურქეთისა და აზერბაიჯანის საგარეო საქმეთა მინისტრების შეხვედრა.
შეხვედრის შემდეგ კი, მინისტრები ბაქო-თბილისი-ყარსის სარკინიგზო მაგისტრალს დაათვალიერებენ.